"Ateş" agentleri işğal etilgen Canköyde "Dnepr" ve "Vostok" taqımlarına destek köstermek içün arbiy esalonnıñ cebege yollanılmasına azırlanuvını qayd ettiler. Olarnıñ malümatına köre, eşelon yaqarlıqnen toldurılğan, ve ruslar qapalı vagonlarda silâ taşıylar.
"Ateş" arbiy-partizan areketi Telegramda bunı bildirdi.
"Bizim agentimiz, işğal etilgen Canköyde demiryol saası hadimlerinden biri, müim naqliyat noqtasını muvafaqiyetnen teşkerdi. "Dnepr" ve "Vostok" gruppalarına qoltutmaq içün Ukrayinanıñ qıtaiy qısmına ketmege azır olğan nevbetteki arbiy eşelon qayd etildi. Fotoresimde adiy bir yük gemisi degil de, işğalli ordu içün "qan ve aş" körüne. Eşelon YYMyaqarlıq ve yağ malzemeleri (dizel ve gaz) ile tolu. Gizli vagonlar silâ ve yedeklerni gizli şekilde taşımaq içün qullanıla, böylece olarnı yoldaşlar ögünde "çıqartmaylar", — dep beyanatta qayd etildi.
Canköydeki eşelon. Telegram/Атеш
"Ateş"niñ malümatına köre, bütün malümat Ukrayina mudafaa quvetlerine berildi.
"Canköy cebeniñ teminat "qapı"sı olıp qala, ve biz bu qapını nezaret etemiz. Bütün malümat, yollanma vaqtı ve eşelonnıñ marşrutı aqqında malümat, endi UMQUkrayina Mudafaa quvetlerie berildi. Tezden bu bozuq demir pek parlaq yanacaq. Koordinatlar: 45.698056, 34.383250", — dep "Ateş" qayd etti.
Hatırlatamız ki, 2025 senesi arman ayınıñ 21-nde Canköy rayonında işğal etilgen Qırımnıñ demiryol astyapılarına ücüm etti. Anda, arbiy hızmetçilerniñ malümatına köre, Rusiye ordusınıñ yaqarlıq ve yağ malzemelerinen areketli terkibine ücüm qayd etildi.
"Ukrayina Silâlı quvetleriniñ mahsus operatsiyalar quvetleri Canköy demiryol stantsiyası yanında mahsus tedbirler keçirdi. Ameliyat arman ayınıñ 21-ne keçer gecesi oldı. Mahsus hızmetçiler rusiyelilerniñ yaqarlıq ve yağnen maşinalarına urdılar. Mahsus tedbirler neticesinde Rusiye ordusınıñ cenübiy gruppasınıñ teminatı qıyınlaştı", — dep MOQ bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
