Saban ayınıñ 13-nde işğalli Qırım mahkemesi eki adamnı "devlet hainligi" içün mahküm etti. Yalta sakini sert rejimli müstemlekede 18 yıl ve 20 künge, başqa adam - 16 yılğa mahküm etildi. Ekisi de Ukrayina havfsızlıq hızmetinen işbirlik yapqanında qabaatlana.
İşğalli Qırım prokurorlığı Telegramda bildirgeni kibi, 32 yaşındaki Yalta sakini 1 yıl ve 10 ayğa azatlıqtan marum etildi.
Rusiye tahqiqatınıñ versiyasına köre, o, 2023 senesi ukrayin istihbaratına arbiy gemilerniñ yerleşüvinen bağlı shema ve videolarnı berdi.
"2023 senesi boş ayda o, kuratordan silâ ve arbiy tehnika yerleştirilüvi aqqında meraqlı malümat bermek vazifesini aldı. Genç adam video çıqarıp, arbiy gemilerniñ yerleştirilüvi boyunca çizimler yaptı, soñra bütün malümatnı çetel devletiniñ vekiline yolladı", — dep haberde qayd etildi.
Bundan da ğayrı, Qırım "prokurorlığı"nıñ haber etkenine köre, işğalli Yuqarı mahkeme onı sert rejimli müstemlekede 16 yılğa ve 1 yıl 6 ayğa azatlıqtan marum etilmesine üküm etti, telefonı ve parası ise musadere etildi.
İşğalli tahqiqatnıñ malümatına köre, o, 2022-2023 seneleri UHHnen işbirlikte bulunğan edi.
"2023 senesi orta küz ayında o, idareciden sim-kartlarnen qarton qutusını tapmaq vazifesini aldı, onı soñra çetel devletiniñ vekilleri qullanacaq ediler. Qayd etilgen areketler içün qabaatlanğan adamnıñ esabına Ukrayina mahsus hızmetleriniñ vekili tarafından 4 biñ ruble (1200 ğrıvnâ — muar.) yollanılğan edi", — dep haberde qayd etildi.
"Tribunal. Qırım epizodı" uquq qorçalayıcı teşebbüsi, "Irade" teşebbüsiniñ qapalı maruzasına esaslanıp, bildirdi ki, Rusiye içtimaiy ağlarında işğal etilgen Qırım sakinlerini öz fikirleri içün afu soramağa mecbur etken videolarnıñ sayısı eksildi. Aynı zamanda uquq qorçalayıcılar, cinaiy taqiplerniñ artqanını qayd eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
