Saban ayınıñ 6-ndan itibaren işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) bölge fevqulâde vaziyeti rejimi ilân etildi.
Bu emirni şeerniñ işğalli gubernatorı Mihail Razvojayev imzaladı.
"Sevastopol (Aqyar — terciman) toprağında peyda olğan vaziyetni bölge fevqulâde vaziyeti olaraq tanımaq. Sevastopol (Aqyar — terciman) şeeriniñ toprağı FV zonası olaraq belgilenmek", — dep emirde qayd etildi.
Fevqulâde vaziyetler hızmetleri içün bölge cevap seviyesi tayin etildi. Fevqulâde vaziyet aqibetlerini yoq etüv yolbaşçısı olaraq "gubernator"nıñ birinci muavini Aleksey Parikin tayin etildi.
Sevastopolda (Aqyarda) fevqulâde vaziyetni ilân etici emir. Сайт міста Севастополь
Vesiqa, 2024 senesi ilk yaz ayınıñ 23-nden berli şeerde olğan fevqulâde vaziyet rejimini lâğu ete.
Hatırlatamız ki, saban ayınıñ 6-nda işğalli Sevastopol (Aqyar) akimiyeti çoq qatlı binanıñ yanında dronnıñ parçaları tüşürilgeni, stantsiyanıñ zarar körgenini ve doquz yaralanğanını bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
