Rusiye Mudafaa nazirliginiñ bildirgenine köre, bu gece ordu işğal etilgen Qırım üzerinde 56 ukrayin dronını ve Qara ve Azaq deñizleri üzerinde daa 12 dronnı yoq etti. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) işğalli akimiyet çoq qatlı binanıñ yanında viraneler tüşkenini, stantsiyanıñ zarar körgenini ve doquz insannıñ yaralanğanını bildirdi. Nezaret resursları, Qurman rayonındaki ava limanı yanında elektrik stantsiyasınıñ bozulması ve patlavlar aqqında bildire.
Sevastopol (Aqyar) "gubernatorı" Razvjayev Telegramda bu aqqında yazdı.
RF Mudafaa nazirligi bildirdi ki, Rusiye AMS Qırım üzerinde 56 UUAni, Qara deñiz üzerinde 5 UUAni ve Azaq deñizi üzerinde 7 UUAni yoq etti.
Gece yarısından soñ işğal etilgen Sevastopolda (Aqyarda) kene ava telükesi ilân etildi, o, saba saat 5-ke qadar devam etti. O vaqıt Razvojayev Yefremov soqağındaki çoq qatlı binanıñ zarar körgenini yazdı. Onıñ aytqanına köre, evniñ yanında dronnıñ parçaları tüşti ve 9 insan yaralandı.
"Yefremov soqağındaki beş qatlı çoq qatlı ev zararlandı. Urulğan UUA, evniñ yanında tüşti, o, ücüm etici maden qurşunlar ve patlayıcınen toldurıldı. Umumen tibbiy yardım içün 9 zarar körgen insan muracaat etti: 6 insan (olardan üçü bala) çeşit kesilgen yaralarnen hastahanege ketirildi, üçü hafif yara aldı ve hastahanege yatqızılmadı", — dep Razvojayev yazdı.
Bundan da ğayrı, o haber etti ki, Jıdılov soqağı rayonında çoq qatlı binanıñ pencereleri ücüm dalğasınen qırıldı ve 50-nci mektepte, Ğeroyev Podvodnikov soqağında kollec toprağında yanğın çıqtı, Yefremov soqağındaki yataqhaneniñ pencereleri qırıldı.
İşğalciler, dron parçaları tüşkeni sebebinden Sevastopolnıñ (Aqyarnıñ) bir qısmı elektriksiz qalğanını bildirdiler.
"Qırım yeli" monitoring Telegram kanalınıñ malümatına köre, dronlarnıñ Qırımğa ücümleri neticesinde Qurman rayonındaki elektrik stantsiyası zarar kördi — onıñ toprağında yanğın qayd etildi.
"Qurman (Pervomaysk) rayonındaki Ostrovske köyü yanındaki 330 kV "Ostrovska" ast stantsiyası yandı. Bu yarımadanıñ eñ müim elektrik bölüklerinden biridir. Bundan evel bu stantsiya qara qış ayınıñ 15-nde ücüm etilgen edi. O vaqıt birden dört rayonnıñ elektriki söndürildi: Canköy, Pervomaysk, Krasnogvardiya ve Rozdolnensk. Bundan da ğayrı, yarımadada "Vesele" ava limanınıñ yanında, Qurman (Krasnogvardiya rayonı) Puşkino köyü yanında yanğın qayd etildi. Bundan evel qullanılmağan ava limanı, cenk başlağan soñ, ruslar tarafından faal qullanıla başladı", — dep haberde qayd etildi.
Ukrayina tarafı Qırımğa bu ücümni şimdilik izaatlamadı.
Hatırlatamız ki, keçken gece Rusiye Mudafaa nazirligi işğal etilgen Qırımda, Qara ve Azaq deñizleri üzerinde saban ayınıñ 4-nde, saat 8-den 16-ğa qadar, 46 ukrayin dronınıñ urulğanını bildirdi. Daa 26 dron, rusiyelilerniñ malümatına köre, saat 16-dan saat 20-ge qadar tüşürildi. İçtimaiy ağlarda Saq, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç rayonlarında, "Belbek" ava limanı ve Ğvardiyskedeki neft bazası yanında gürülti aqqında haber etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
