Qırım işğaline qarşılıq kösterüvge bağışlanğan panelerni Poltavada yerleştirdiler. Qırımtatar Maaliy Merkezi ve Qırımnı işğalden qurtaruv ve qırımtatar halqına birdemlik halqara areketiniñ faalleri tarafından azırlanğan malümat plakatları #LIBERATECRIMEA.
QRM öz saytında bu aqqında haber ete.
"Poltavda yerleştirilgen bordlar — ukrayin ve qırımtatarlarnıñ umumiy devlet oğrunda küreşindeki birliginiñ timsali. Qırım, Rusiye işğaline oğrağan ilk topraq oldı, amma o, anda bitecek", — dep haberde aytıla.
Hatırlatamız, saban ayınıñ 6-nda Rıvne şeerindeki Memuriy hızmetler merkeziniñ binasında qırımtatar halqına qoltutuv olaraq qırımtatar bayrağı asıldı.
Facebookta Ruslana Şekel bu aqqında haber etti.
Qırımtatar Milliy Meclisiniñ reisi Refat Çubarov teşkilâtçılarğa qırımtatar halqı ile birdemlik köstergenleri içün teşekkür bildirdi.
Ukrayinada kiçik aynıñ 26-nda Qırımnıñ Rusiye işğaline qarşılıq künü qayd etile. 2014 senesi aynı şu künü Aqmescitte (SimferopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ukrayin ve qırımtatar timsalleri ile biñlernen insan yarımadanıñ Rusiye tarafından zapt etilmesine qarşı narazılıq bildirmek içün muhtariyet parlamentiniñ divarları ögünde toplaştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
