Birinci Halqara Qırım kinofestivalinde yarış programmasında iştirak etmek içün arizalar qabul etile. 2026 senesi saban ayınıñ 1-nden qural aynıñ 1-ne qadar çeşit memleketlerden olğan rejissörlar iş taqdim ete bileler.
Festival teşkilâtçısı Emel Kırım Foundation bu aqqında bildire.
Festivalniñ maqsadı — qırımtatar medeniyeti ve tarihını populârlaştırmaqtır. Qırım ya da qırımtatarlarğa bağışlanğan filmler qabul etilecek. Ğaliplerni üç kategoriyada belgileycekler:
- qısqa filmler 35 daqqağa qadar;
- 70 daqqağa qadar vesiqalı filmler;
- 10 daqqağa qadar animatsion ya da suniy zekânen yaratılğan videolar.
Filmler 2026 senesi ilk küz ayı 16-20 künleri İstanbulda numayış etilecek.
Hatırlatamız, "Ukrayina ayı 2026" ukrayin medeniyetiniñ festivali Pragada Çeh Cumhuriyetiniñ prezidenti Petr Pavel ve Çeh Cumhuriyetindeki Ukrayina elçisi Vasıl Zvarıçnıñ imayesi altında keçirile. Qırım mevzusına "Qırımğa qaytuv" sergisi bağışlandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
