Rusiye Mudafaa nazirligi saban ayınıñ 4-nde, saat 8-den 16-na qadar işğal etilgen Qırımda, Qara ve Azaq deñizlerinde 46 ukrayin dronınıñ urulğanını bildirdi. İçtimaiy ağlarda Saq, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç rayonlarında, "Belbek" ava limanı ve Ğvardiyskedeki neft bazasında gürülti aqqında haber etile.
Qırımda dronlarnıñ tüşürilgeni aqqında Rusiye Mudafaa nazirliginiñ malümatına esaslanıp, RİA "Novosti Krım" yazdı.
"Saban ayınıñ 4-nde (Moskva vaqtına köre) saba saat 08:00-den 16:00-ğa qadar 76 ukrayin uçucısız uçaq aleti toqtatıldı. 27 UUA — Qırım üzerinde, 16-sı ise Azaq deñizi üzerinde ve 3 UUA Qara deñiz üzerinde yoq etildi", — dep haberde aytıla.
"Qırım yeli" Telegram kanalı yarımadanıñ çeşit köşelerinde patlavlar aqqında haber ete edi.
"Saat 12:19 Yevpatoriya (Saq) rayonında patlav, saat 12:20 Keriçte patlav, dep abuneciler bildirdiler", — dep haberde aytıla.
Daa soñra, saat 13:11 işğal etilgen Simferopolnıñ (Aqmescitniñ) "Fontanı" rayonında patlavlar aqqında haber etildi, saat 13:34-te ise, olarnıñ malümatına köre, uzaqtan Belbek ava limanından patlav eşitildi.
Yevpatoriya (Saq) rayonında eki patlav aqqında haber etildi.
Şaatlar "Ğvardiya" neft bazasınıñ yanındaki duman fotoresimini derc ettiler ve Yevpatoriya (Saq) rayonında patlavlar olğanını bildirdiler.
Saat 15:50-de işğal etilgen Keriç civarında Azaq deñizinden yüksek sesler ve kökten raketalarnıñ izi aqqında malümat peyda oldı.
İşğalli Qırım akimiyeti bunıñ aqibetleri aqqında resmen iç bir şey aytmadı.
Bugün de Qırımdaki çeşit şeerlerde ava telükesi ilân etildi. Rusiyege qoltutqan akimiyetniñ resmiy malümatına köre, bu, planlaştırılğan şekilde saat 10, 13 ve 15-te olıp keçti.
İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) patlavlar aqqında bugün saat 23:00-ke qadar Razvojayev bildirdi — o, "ögrenüvler" aqqında tenbiyeledi.
"Saat 23:00-ke qadar Şimaliy ve Cenübiy mollar, Striletska, Qamış, Karantin, İnkerman ve Kozak körfezleri, Ğalebe parkı, Hersones burnu, Balıqlava, Laspi, Lukul burnu, Qaçı rayonlarında flot DQQVdiversiyalarğa qarşı quvetler ve vastalara qarşılıq tedbirleri keçirilecek. Planlaştırılğan atışlar çeşit silâlardan, granata atışlarından ve reaktsion bombadan yapılacaq. Bir qaç patlav olacaq, şunıñ içün evelden haber etem", — dep haberde aytıla.
Hatırlatamız ki, tünevin Ukrayina Silâlı quvetleriniñ Baş ştabı, işğal etilgen Qırımda Rusiye radiolokatsiya stantsiyalarınıñ bozulğanını tasdıqladı. Hususan, ava maqsadlarını tapqan "Sopka-2" stantsiyası ve "Kasta-2E2" RLS aqqında söz yürsetile.
Bundan ğayrı, Baş ştabnıñ malümatına köre, saban ayınıñ 2-ne keçer gecesi Mudafaa quvetleri işğal etilgen Qırımda uzaq kâinat bağı merkezi ve "Podlöt-K1" radiolokatsiya stantsiyasına (RLS) ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
