Saban ayınıñ 4-nde aqşam ve saban ayınıñ 5-ne keçer gecesi işğal etilgen Qırımda patlavlar oldı. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) AMSAva mudafaası sisteması çalıştı, Rusiye Mudafaa nazirligi yarımada üzerinde 17 dron ve Qara ve Azaq deñizleri üzerinde daa 35 dron yoq etilgeni aqqında bildirdi.
Saban ayınıñ 4-nde aqşam Telegramda "gubernator" Razvojayev Sevastopolda (Aqyarda) AMS çalışqanı aqqında haber etti.
Saban ayınıñ 4-nde Sevastopolda (Aqyarda) ava telükesi saat 21:48-den 23:33-ke qadar devam etti. Razvojayev insanlarnı soqaqlarda bulunmamağa çağırdı, çünki, onıñ aytqanına köre, Ukrayina Silâlı quvetleri dronlardan ücüm etti ve Rusiye silâsız avdarma sistemasını qullana — qurşunlar ve raketalar şeerge tüşe bile.
"Sevastopolda arbiy hızmetçiler USQUkrayina Silâlı Quvetleriniñ ücümini toqtatmağa devam eteler, AMS çalışa. Beş ava maqsadı yoq etildi. Açıq yerlerni qaldırıñız. Arbiy hızmetçilerimiz UUAlerini çeşit zarar etici vastalarnen, şu cümleden, atqan silânen yoq etmege tırışalar. Maqsatqa yetmegen qurşunlar, serbest tüşüv tezleşkeninen er vaqıt keri qayta. Raketalarnen yerge urulsa, UUAleriniñ parçaları tüşe bile", — dep Razvojayev yazdı.
O, rusiyeli AMSnıñ işiniñ aqibetleri ya da Sevastopolda (Aqyarda) zarar körgenini daa bildirmey edi.
"Qırım yeli" telegram kanalı Sevastopolda (Aqyarda) patlavlar aqqında haber etti. Hususan, Qamış şossesi, "Qaçı" ava limanı, Striletska körfezi rayonlarında.
Bundan ğayrı, olarnıñ malümatına köre, patlavlar "Belbek" ava limanı civarında oldı. Keriç boğazında atış sesleri eşitile edi.
Rusiye Mudafaa nazirligi saban ayınıñ 4-nde saat 20:00-den 23:00-ke qadar Qara deñiz üzerinde 15, Qırım üzerinde 7 ve Azaq deñizi üzerinde 3 dron yoq etilgeni aqqında bildirdi. Olarnıñ malümatına köre, Saban ayınıñ 5-i saat 23:00-ten saba saat 7-ge qadar Rusiye AMS yarımada üzerinde daa 10 ve Qara deñiz üzerinde 17 dronnı urdı.
Ukrayina tarafı işğal etilgen Qırımğa ücüm aqqında neşir etilgende izaat bermedi.
Hatırlatamız ki, tünevin Rusiye Mudafaa nazirligi işğal etilgen Qırımda, Qara ve Azaq deñizleri üzerinde saban ayınıñ 4-nde, saat 8-den 16-ğa qadar, 46 ukrayin dronınıñ urulğanını bildirdi. Daa 26 UUA, ruslarnıñ malümatına köre, saat 16-dan 20-ge qadar tüşürildi. İçtimaiy ağlarda Saq, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç rayonlarında, "Belbek" ava limanı ve Gvardiyskedeki neft bazasında gürültii aqqında haber etildi.
Daa evel Ukrayina Silâlı quvetleriniñ Baş ştabı, işğal etilgen Qırımda Rusiye radiolokatsiya stantsiyalarınıñ bozulğanını tasdıqladı. Hususan, ava maqsadlarını tapqan "Sopka-2" stantsiyası ve "Kasta-2E2" RLS aqqında söz yürsetile.
Bundan ğayrı, Baş ştabnıñ malümatına köre, saban ayınıñ 2-ne keçer gecesi Mudafaa quvetleri işğal etilgen Qırımda uzaq kâinat bağı merkezi ve "Podlöt-K1" radiolokatsiya stantsiyasına (RLS) ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
