Qırımdaki Ukrayina uquq qorçalayıcı organlarınıñ sabıq hadimini Ukrayinada devlet hainligi içün 12 yılğa mahküm ettiler.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Prokurorlar, 2014 senesi mahküm etilgen adam Ukrayina içki işler organları hadiminiñ antını bozğanını ve "Rusiye İçki işler nazirliginiñ bölük yolbaşçısınıñ muavini — Feodosiya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeerin polisiniñ yolbaşçısı" vazifesine işğalcilerniñ teklifini qabul etkenini isbatladılar. Böyleliknen, mahküm etilgen yarımadada içki işlerniñ işğalli organlarınıñ meydanğa ketirilmesine ve çalışmasına yardım etti, em de Rusiye Federatsiyasınıñ vekillerine Ukrayinağa qarşı bozuv faaliyetini alıp barmağa yardım etti", — dep haberde qayd etildi.
Suspilne Qırımnıñ menbaları bildirgenine köre, söz İsa Menseitov aqqında kete. Baş prokurorlıqnıñ saytında berilgen malümatqa köre, oña qarşı cinaiy dava 2024 senesi çeçek ayında açıldı.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
