Ukrayina Silâlı quvetleriniñ Baş ştabınıñ malümatına köre, bu gece işğal etilgen Qırımda Ukrayina mudafaa quvetleri uzaq kâinat bağı merkezi ve "Podlöt-K1" radiolokatsiya stantsiyasına (RLS) ücüm etti.
USQniñ Baş ştabı Telegramda bunı bildirdi.
"Rusiye istilâcısınıñ cenk imkânlarını eksiltmek içün tedbirler çerçivesinde Ukrayina Mudafaa quvetleriniñ bölükleri saban ayınıñ 2-ne keçer gecesi vaqtınca işğal etilgen ukrayin Qırımınıñ Vitıne meskün yeri civarındaki uzaq kâinat bağı merkezini ve Vınoğradne yanındaki "Podlöt-K" radiolokatsiya stantsiyasına (RLS) urdı", — dep Baş ştab bildirdi.
Rusiye Mudafaa nazirliginiñ malümatına köre, bu gece Qırım üzerinde ruslar 23 dronnı, Qara deñiz üzerinde ise 67 dronnı yoq etti.
Bundan da ğayrı, Ukrayina Silâlı quvetleriniñ Baş ştabınıñ malümatına köre, bu gece Luğansk vilâyetiniñ VİETında Rusiyeniñ "Kasta 2E2" (Lübıme meskün yeri) ve "Yastreb A-V" (Topoli meskün yeri) RLS uruldı.
"Bizim bölüklerimiz, hususan, Kermençık (Donetsk vilâyetiniñ VİET) rayonlarında ve Zaporijjâ vilâyetiniñ VİETdaki Kinski Rozodorı mesken yerinde "Rubikon" radioelektron istihbarat bölüginiñ canlı quvetleriniñ yerleşüvlerine de ücüm ettiler", — dep Baş ştab qoştı.
Suspilneniñ UHHdeki menbaları bildirdi ki, Mudafaa quvetleri Rusiye Federatsiyasınıñ Ukrayinağa qarşı cenkine alâqası olğan "Novorossiysk" limanınıñ arbiy ve neft obyektlerine ücüm etti. İlk malümatlarğa köre, dronlar arbiy gemilerni, S-300 "Favorit" "PMU-2" kompleksiniñ radarını, "Pantsir-S2" ZRTK ve "Şesharis" neft terminalındaki yedi neft tolduruv stenderini urdı. Gece limanda yanğın çıqtı.
Hatırlatamız ki, kiçik aynıñ 26-nda gece Ukrayina Mudafaa quvetleri işğal etilgen Qırımnıñ Canköy şeerindeki P-18 "Terek" radiolokatsiya stantsiyasını ve RSP-6M2 radiolokatsiya sistemasını urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
