Kiçik aynıñ 12-nde işğalciler tarafından tutulğan Bağçasaray aşçısı Yunus Süleymanov çeçek ayınıñ 11-ne qadar apiske alındı ve Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) tahqiqat izolâtorına qapatıldı.
"Qırım birdemligi" öz menbalarına esaslanıp bunı bildirdi.
"Şimdi Süleymanov 2-nci SİZOda buluna, anda o 40 yıllığını qayd etti. Aynı SİZOda, Süleymanovnen aynı künü tutulğan Nariman Seitalev tutula. Apiske alınğan qırımtatarlar çeşit cinaiy davalarnıñ iştirakçileri olğanı belli. Seitalev de, Süleymanov da, Hizb ut-Tahrir islâm siyasiy firqasınıñ faaliyetinde qabaatlanğanlar. Adamlar çeçek ayınıñ 11-ne qadar apiste qalacaqlar", — dep menba bildirdi.
Kiçik aynıñ 12-ndeNariman Setalev ve Yunus Süleymanovnıñ evleri tintildi. Quvetçiler Bağçasaray rayonınıñ Ğlıbokıy Yar (UlaqlıRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) köyünde ve Bağçasarayda qırımtatarlarnıñ evlerine keldiler.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
