İşğal etilgen Qırımda ilân etilgen telüke neticesinde saban ayınıñ 1-nde aqşam Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) bir qısmı elektriksiz qaldı, Saq, Keriç ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde de elektrikler yoq oldı. Feodosiyada (Kefede) suv teminatı da bozulğan edi.
İşğalli Sevastopol (Aqyar) gubernatorı Mihail Razvojayevniñ Telegramda yazğanına köre, ilk malümatqa köre, sebebi — Qırım energetik ağlarında fevqulâde söndürüv. Qaza sebebini añlatmadı.
"6, 7, 15 nomeralı alt stantsiyalardan energiya alğan rayonlarnıñ istimalcıları kesildi. Sevastopol şeeriniñ şimdiki rayonlarında elektriksiz qalğan qullanıcılar: Balıqlava, Kozaça körfezi, Qamış körfezi, Striletska körfezi, Fiolent, şeer merkezi", — dep yazdı o.
Kıyiv vaqtına köre saat 21:37-de Razvojayevniñ yazğanına köre, şeerde elektrik taminatı bütünley ğayrıdan tiklendi.
Aynı vaqıtta "Qırım yeli" Telegram kanalı kiçik aynıñ 1-nde Feodosiyada (Kefede) patlavlar ve elektrik söndürilgeni aqqında haber etti. Bundan soñ kanal qullanıcıları Saq ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde elektrik ve suv qapatıluvı, Keriçte elektrik söndürilgeni aqqında bildirdiler.
"Saq şeerinde suv alâ daa yoq — pompalar çalışmay, dep abuneciler bildirdiler. Saqta küçlü patlavdan soñ elektrik yoq oldı, dep abuneciler bildirdiler", — dep kanal haberlerinden birinde aytıla.
Saban ayınıñ 2-nde saba Feodosiya şeerinde suv teminatı yoq, dep RİA "Novosti Krım" yazdı.
"30 biñge yaqın Feodosiya sakinleri aqşamğa qadar suvsız qaldı. Şeerde Çelnikov suv borusında yüz bergen qaza aqibetlerini yoq eteler. Suv berilmesi saat 8:00-den 17:00-ge qadar sıñırlana. Sıñırlavlar şeerniñ 70 soqağı ve keçiş noqtasına, em de Sonâçne köyüne tesir etti", — dep haberde aytıla.
Hatırlatamız ki, Sevastopolda (Aqyarda) telüke Kıyiv vaqtına köre saat 17:00-den 17:21-ge qadar ve 21:22-den 21:40-qa qadar ilân etildi. Razvojayev, elektrik meseleleri aqqında malümatnı saat 21:38-de seslendirdi.
RF Mudafaa nazirliginiñ malümatına köre, işğal etilgen Qırım üzerinde gece 23 uçucısız uçaq aleti urulıp tüşürildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
