"Ateş" arbiy-partizan areketi Rusiye Federatsiyasınıñ Qara deñiz flotunıñ 102-nci mahsus taqımınıñ katerleri Aqyarnıñ (SevastopolnıñRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Cenübiy körfezine avuştırılğanını bildirdi. Bu, Qırım köprüniñ mudafaası ve mudafaasınen oğraşqan bölüktir.
Areket Telegramda bu aqqında bildirdi.
"Ateş" areketiniñ malümatına köre, 102-nci bölükke bağlı "Ğraçonok" leyhasınıñ bir qaç diversiyağa qarşı gemisi Konstantin körfezi rayonından çıqarılıp, Aqyarnıñ (Sevastopolnıñ) Cenübiy körfezine avuştırıldı.
Daa evel "Ateş" Konstantin körfezi yanında yerleşken ve Qırım köprü kibi obyektlerniñ qoruvına celp etilgen bu bölükniñ faaliyeti aqqında haber etken edi.
"Resmiy olaraq bu "planlanğan işler" ya da "tamir işleri" olaraq qayd etile. Amma, asılında, bu, tehnikanı gizlemek ve dağıtmaq ıntıluvıdır. Rusiye komandanlığı Ukrayina deñiz ve ava dronlarınıñ ücümleri neticesinde diversiyağa qarşı gemilerniñ ğayıp olmasından qorqa, şunıñ içün olarnı sıñırlı yerlerden ve yüksek telüke obyektlerinden uzaq tutmağa tırışa", — dep haberde aytıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
