İşğal etilgen Qırımnıñ Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ sakinleriniñ bir qısmı elektriksiz qaldı.
RFnıñ kontrol etkeni ''Krımenergo'' müessisesi bu aqqında haber berdi.
Müessiseniñ malümatına köre, Bereğove köyünde de elektrik qısmen kesildi. Feodosiya (Kefe) şeerinde ise Qara deñiz yalı kenarı ve bir qaç soqaq elektriksiz qaldı. Elektrik teminatını ğayrıday tikleme vaqtı 3 saattir.
Bundan ğayrı, Qurman rayonınıñ sakinleriniñ bir qısmı elektriksiz qaldı. Şu cümleden, 2026 senesi kiçik aynıñ 28-nde saat 8:00den 17:00ge qadar Poltavka köyünde elektrik yoq olacaq. Sebebi qayd etilmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
