Uquq qorçalayıcı teşkilâtlar, kiçik aynıñ 26-nda Qırım işğaline qarşılıq kününe bağışlap, Rusiye işğali altında yaşağan ukrayinlerniñ aqlarını qorçalamaq içün umumiy Manifestni derc etti. Müellifler devletni VİETvaqtınca işğal etilgen topraqlardaki insanlarnen bağ tutmağa, olarnıñ telükesiz çıqışına ve reintegratsiyasına yardım etmege, halqara ortaqlarnı ise Ukrayinanı desteklemege çağıralar.
ZMINA insan aqları merkezi bunı bildirdi.
Vesiqada qayd etile ki, işğalniñ tek sebebi — Rusiye Federatsiyasınıñ istilâsı, vatandaşlarnı qorçalamaq içün tek yolu ise — işğalden azat etilüv ve Ukrayina akimiyetini ğayrıdan tiklevdir.
"Bizler, vatandaş cemiyetiniñ vekilleri, insanlarımıznı qorçalamaq içün tek yolu — Ukrayinanıñ bütünley işğalden azat etilmesi ve akimiyetniñ ğayrıdan tiklenmesidir. Devlet, işğal altındaki vatandaşlarnen bağnı pekitmeli, çıqışlarını qolaylaştırmalı ve reintegratsiyasını temin etmeli, olarnıñ tecribesini taqip etmemeli. Halqara ortaqlarımızdan Mudafaa quvetlerine qol tutmağa ve topraq berilmesine dair basqığa qarşı çıqmağa çağıramız", — dep beyanatta aytıla.
Manifest 2026 senesi saban ayınıñ 1-ne qadar imzalanmaq içün açıq, bundan soñ onı ukrayin akimiyeti ve halqara ortaqlarına berecekler.
Vesiqanıñ teşebbüsçileri: ZMINA insan aqları merkezi, "Donbas SOS" cemaat teşkilâtı, "Şarq SOS" hayriye fondu, "Qoruv aqqı" hayriye fondu, "GRUPA VPLIVU" Cemaat holdingi" CT, "Krisizni añlamaq" cemaat teşkilâtı, "Qırım SOS" cemaat teşkilâtı, "Stabilization Support Servises" cemaat teşkilâtı, Qırım uquq qorçalayıcı gruppası ve "Sarı Şerit" işğaline qarşılıq cemaat areketidir.
Kiçik aynıñ 26-nda Qırım işğaline qarşılıq kününe Ukrayina prezidenti Volodımır Zelenskıy ayttı ki, Rusiye cenk içün bir de bir mukâfat almamalı, çünki tek mesuliyetke çeküv uzun müddetli barışıqnı kefil ete bile.
O hatırlattı ki, dünya 12 yıl evel yarımadanıñ işğaline köz yumdı, bu ise Vladimir Putinge daa büyük cenkniñ mümkünligine işanç berdi. Bundan ğayrı, prezident, dünya Qırım — Ukrayina olğanını tanımaq kerek, dep qayd etti.
Hatırlatamız ki, kiçik aynıñ 26-nda Ukrayinada Qırımnıñ Rusiye işğaline qarşılıq künü qayd etile. 2014 senesi aynı şu künü Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ukrayin ve qırımtatar timsallerinen biñlernen insan yarımadanıñ Rusiye tarafından zapt etilmesine qarşı narazılıq bildirmek içün muhtariyet parlamentiniñ divarları ögünde toplaştı.
Moskvanıñ adise-vaqialarnı "Qırım sakinleriniñ serbest saylavları" olaraq köstermege tırışqanına baqmadan, içtimaiy malümat ve şaatlarnıñ şaatlıqları Qırımdaki Rusiye tarafdarı olğan çoqluq aqqında efsaneni red ete — bu aqqında tafsilâtlıca Suspilne Qırım bildire.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
