Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Gagarin rayon mahkemesinde tuvğanlarınıñ yerli İT hadimi Serğiy Ğrişçenkovnıñ hırsızlanuvı boyunca Rusiye quvet organlarınıñ areketsizligine şikâyet etüv oturışı olıp keçti.
FSB ve Rusiye Qara deñiz flotunıñ "arbiy prokurorlığı" temsilcileri kelmediler, ve "mahkemeci" davacılarnıñ bütün muracaatlarını red etti, şu cümleden, tutulğan vaqıt çıqarılğan video kösterilmesini talap etti.
Ğayıp olğan Qırım sakininiñ qızı Darya Ğrişçenkonıñ Suspilne Qırımğa aytqanı kibi, qorantası 10 aydan berli onıñ bulunuv yeri ya da protsessual statusı aqqında iç bir resmiy malümat almadı.
"Mahkeme" yoq, o daa "buzlatılğan". Onıñ aqqında iç bir şey bilmeymiz. Saban ayınıñ 6-sı tam 10 ay olacaq. İç bir malümat yoq, çünki bütün cevaplar — onı alıp ketmediler, oña qarşı dava açılmadı, qabaatlav yoq. "Prokurorlıq"qa areketsizlik aqqında soralğan bütün suallerge — er şey teşkerilgenini, bir şey tapılmağanını, bir şey bilmegeni kibi cevaplar kele", — dep o ayttı.
Hırsızlanğan Sevastopollı adamnıñ qızı, resmiy red etüvler ve mevcut deliller arasındaki zıddiyetni qayd etti.
"Bazarnıñ soñunda bir vaqıtları, qışta-küzniñ soñunda, işke kelip, şahsiy eşyalarını, kompyuterini alıp ketkenleri aqqında protokol olğanını ögrendik. Er şey yazılğan, er şey imzalanğan, tarihlar... Bu er şey tasdıqlana. Bu arman ayında oldı. Şunıñ içün sual şunda ki, nasıl etip cevap bermege mümkün ki, biz iç bir şey bilmeymiz, ve qabaatlavlar yoq, amma işke kelip, onıñ eşyalarını alğanımıznı tasdıqladıq. Dört aydan soñ", — dep o ayttı.
Darya aytqanı kibi, bu mesele boyunca ilk mahkeme oturışı kiçik aynıñ 10-11 künleri olıp keçti. Amma o, öyle de başlamadı, çünki oña dava boyunca qayd etilgen FSB temsilcileri kelmedi.
"Mahkemeci"niñ areket tarzı oña yapılğan qabaatnı kösterdi. Yani o, özü qarar bermey, anda er şey azır. Oquğanını bile, sorğudan vazgeçkenini bile — onıñ yoq olğanını aytqanını... Videolarnı baqmağa bile red ettiler. Asılında, o endi çoq adamda bar: bizim UUHUkrayina Havfsızlıq hızmetimizde, İdare ştabında, bizim ombudsmanımızda endi bar", — dep Ğrişçenkova bildirdi.
O, nevbetteki areketleri aqqında da ayttı.
"Şimdi biz "polis"ke barıp davağa qoşma malümat bermekni tüşünemiz. Bu ariza yazıla, diskke yazıla, ve anda video, protokolnıñ kopiyası bar. Bundan da ğayrı, Moskalkovağa (Rusiye ombudsmanı Tatyana Moskalkova — muar.) ekinci muracaatnı yollamağa isteymiz. UHHe muracaat ete ediler, amma olarda yañıdan qurula, şimdi ise Qırım prokurorlığına. Olar bir qaç cedvelge yazıp, maña resmiy cevap yolladılar ve davanı açtılar", — dep Darya ayttı.
Sevastopol (Aqyar) sakini Serğiy Ğrişçenkov mayısnıñ 6-nda evi tintilgen soñ FSB hadimleri taraından hırsızlandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
