2026 senesi kiçik aynıñ 25-ne keçer gecesi USQniñ Mahsus operatsiyalar quvetleriniñ bölükleri RF ava mudafaasınıñ vaqtınca işğal etilgen Qırımdaki mevamlarına ücüm etti. Ukrayina arbiy hızmetçileriniñ malümatına köre, S-400 "Triumf" ZRKnı urıp, "Pantsir-S1" ZRTKni yoq ettiler.
USQniñ Mahsus operatsiyalar quvetleri bunı bildirdi.
Müessise qayd etkenine köre, ücüm neticesinde S-400 "Triumf" zenit raketa kompleksiniñ başlanğıç qurulışını, 92N6E radiolokatsiya stantsiyasını ve sistemanıñ yardımcı elementlerini yoq etkenleri tasdıqlandı.
Bundan da ğayrı, MOQniñ malümatına köre, müim obyektlerni ve AMS noqtalarını dron ve orta yüksekliklerde uçaq raketalardan qorçalağan Pantsir-S1 zenit raketa-top kompleksi yoq etildi.
Hatırlatamız ki, kiçik aynıñ 24-nde gece USQniñ İnsansız sistemalar quvetleri vaqtınca işğal etilgen Qırımda Rusiye arbiy obyektlerine ücüm etti. "Pantsir-S1" zenit raketa-top kompleksi ve "Malahit" radiolokatsiya stantsiyası uruldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
