Kiçik aynıñ 24-ne keçer gecesi USQniñ İnsansız sistemalar quvetleri vaqtınca işğal etilgen Qırımdaki Rusiye arbiy obyektlerine ücüm etti. "Pantsir-S1" zenit raketa-top kompleksi ve "Malahit" radiolokatsiya stantsiyası uruldı.
İnsansız sistemalar quvetleriniñ "Madâr" lâğabınen komandanı Robert Brovdi bunı bildirdi.
Qırımda Krasnosilske köyü rayonında "Pantsir-S1" zenit raketa-top kompleksini, Novofedorivka (Saq rayonı) civarında "Malahit" radiolokatsiya stantsiyasını tapıp, urdılar.
Bundan ğayrı, onıñ malümatına köre, ukrayin bölükleri Zaporijjâ vilâyetindeki "Uragan" toplu atış reaktiv sistemasını ve Donetskteki Svobodne meskün yeri yanında "Buk-M1" zenit raketa kompleksini yoq etti.
Aynı vaqıtta USQniñ StratKomı işğal etilgen Qırımda Katsıveli meskün yeri civarında duşman canlı quvetleriniñ toplaşuv rayonı zarar körgenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
