İşğal etilgen Qırımnıñ mekteplerinde kiçik aynıñ 23-ne qadar23 лютого — у Росії День захисника вітчизни Rusiye askerlerine mektüpler yazmaq mecburiy "aktsiyası" keçirildi. Balalarğa metin nümüneleri ve metin tevsiyesi berildi ve bu mesajlar cenkke berilecek, dep tenbiyelediler. İştirak etmekten vazgeçkenlerni ayrı cedvellerge yazıp qoydılar, ocalar ise "keçüv" aqqında rayon tasil idaresine bildirmege mecbur ediler.
Milliy tirenüv merkezi (MTM) işğalde öz menbalarına esaslanıp bu aqqında bildire.
"Böyle tedbirler Aqmescitte (Simferopolda) №27 mektepte, Canköydeki №2 litseyde ve Yevpatoriyadaki №11 mektepte keçirildi. Oquyıcılarğa metin nümüneleri ve metin boyunca tevsiyeler berildi. Balalarğa mektüpler cenkte iştirak etken arbiy hızmetçilerge yollana, dep añlata ediler. Bildirilgen malümatqa köre, sınıflarda mektüplerni teslim etkenlerniñ cedvellerini tizdiler. İştirak etmegen ve red etken talebeler ayrı cedvellerge kirsetile edi. Ocalar sınıflarnıñ iştirak köstergiçleri aqqında esabat bermege ve tedbirlerniñ foto ve videolarını rayon tasil idaresine bermege mecbur oldılar", — dep Merkeziy tasil hızmetinde haber ettiler.
Bundan ğayrı, bir sıra oquv yurtlarında, hususan işğal altındaki Keriç ve Aqyarda (Sevastopolda), mektep talebeleri sınıftan tış faaliyet ya da "iş dersleri" çerçivesinde maska ağlarını örmege mecbur etildi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
