Ukrayina mudafaa quvetleri kiçik aynıñ 20-ne keçer gecesi işğal etilgen Qırımda ruslarnıñ maddiy-tehnikiy vastalar anbarına ücüm etti.
USQniñ Baş ştabı bunı bildirdi.
"Mudafaa quvetleri maddiy-tehnikiy vastalarnıñ eki anbarına ücüm etti: birisi — Lobanove rayonında (VİE QMC), ekincisi — vaqtınca işğal etilgen Luğansk vilâyetiniñ Mojnakivka rayonında", — dep haberde qayd etildi.
Bundan da ğayrı, MOQ Ukrayinanıñ çeşit bölgelerindeki bir sıra idare noqtaları, anbarlar ve işğalcilerniñ yerleşken rayonlarına ücüm etti. Zaporijjâ vilâyetiniñ vaqtınca işğal etilgen topraqlarındaki bir qaç maqsat urulğan edi. Vaqtınca işğal etilgen Herson vilâyetiniñ Lübımivka rayonındaki ve Tendrivska belindeki ise komandanlıq-nezaret noqtası ve istilâcınıñ canlı küçleriniñ toplaşuvı yerleşti.
Hatırlatamız ki, kiçik aynıñ 20-nde saba Rusiye Mudafaa nazirligi işğal etilgen Qırım üzerinde 20 uçaq tüşürilgeni aqqında bildirdi. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) telüke Kıyiv vaqtına köre saat 22:01 - 04:41 arasında devam etti.
İşğalli Sevastopol (Aqyar) gubernatorı Mihail Razvojayev Aqyarda bir adamnıñ vefat etkeni ve şeerde telâş vaqtında viran etilgenini bildirdi.
Aynı zamanda, "Qırım yeli" Telegram kanalı "Qaçı" ve "Belbek" ava limanlarında açılğan ateş aqqında haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
