Rusiye Mudafaa nazirligi işğal etilgen Qırımnıñ üzerinde saat 22:00-6:00 arasında 20 uçucısız uçaq aleti tüşürilgenini bildirdi. İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Ravoznıyev Sevastopolda (Aqyarda) bir adamnıñ ölümi ve şeerde viraneler aqqında bildirdi.
Razvojayev Telegramda bir adamnıñ Qamış şossesi rayonında yaralanğanını bildirdi.
"O, tüşürilgen dronnıñ parçalarından başı ve köküsi yaralandı", — dep haberde qayd etildi.
İşğalli gubernatornıñ malümatına köre, altı şahsiy evniñ zarar körgenini qayd ettiler.
Sevastopolda (Aqyarda) telüke Kıyiv vaqtına köre saat 22:01 — 04:41 arasında devam etti.
"Qırım yeli" Telegram kanalı "Qaçı" ava limanında açılğan ateş aqqında haber etti.
"Saat 00.42-de "Qaçı" ava limanında eki yarıqçı çalıştırıldı, atış başlandı, soñra zenit silâsı qullanıldı, işaret raketalarınen aydınlatıldı", — dep haberde bildirildi.
Belbek ava limanı civarında da ateş açılğanı aqqında haber etildi.
Hatırlatamız ki, kiçik aynıñ 15-ne keçer gecesi Ukrayina mudafaa quvetleri işğal etilgen Qırımda "Pantsir-S1" raketa-top kompleksini urdı. USQniñ Baş ştabı bunı bildirdi
Bundan da ğayrı, kiçik aynıñ 16-nda Baş istihbarat idaresi keçken afta Qırımdaki ücümler videosını derc etti. Ukrayina Mudafaa nazirliginiñ Bİİniñ "Prımarı" mahsus bölüginiñ mütehassısları işğalcilerniñ "Pantsir" raketa-top kompleksini, radarı ve desant katerini urdılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
