Rusiye tarafında cenkleşken beş Ukrayina vatandaşı devlet hainligi ve duşmannen işbirlik sebebinden 15 yılğa üküm etildi. Mahküm etilgen eki adma işğal etilgen Qırımdanlardır.
UHH bunı bildirdi. Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) askerlerden biri, Rusiyeniñ 810 ayrı deñiz piyade brigadasında cenkleşken edi.
"47 yaşında, vaqtınca işğal etilgen Sevastopolnıñ sakini, Moskova vilâyetine barıp, Odintsovo şeeriniñ arbiy komissarlığında RF Mudafaa nazirliginen añlaşma imzaladı. Qısqa bir müddet devamında poligonda azırlanğan soñ, hain istilâcı memleketniñ 810-ıncı ayrı deñiz piyade brigadasında atıcı olaraq tayinlendi. O, duşman birleşmesiniñ sıñırlarında Kursk yönelişindeki Sudjada mudafaa quvetleriniñ noqtalarına ücüm etti", — dep haberde qayd etildi.
Diger mabüs, UHHniñ bildirgenine köre, Şçolkine şeerinden keldi.
"Dava malümatına köre, o, Sudja rayonında cenkleşken RF deñiz piyade askerleriniñ 810-ncı ayrı brigadasınıñ tankke qarşı raketa kompleksleri nevbetiniñ bölüklerinde buluna edi", — dep UHH yazdı.
Ekisi de Sudjada UHHniñ ücüm tedbirleri vaqtında esir alındı. Diger üç Rusiye askeri Donetskten kele.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
