Kiçikniñ 21-nde Ukrayinada qırımtatar tilinden sekizinci onlayn imlâ keçirilecek. Metinni şair, terciman ve muarrir Mayye Abdulganiyeva oquycaq.
Nefes cemaat teşebbüsi Facebookta bunı bildirdi.
"Siziñ soravlarıñızdan añladıq ki, sekiz yıl evelsi başlanğan işimiz ananege çevirildi ve yürekleriñizde yer taptı", — dep imlâ teşkilâtçıları qoştılar.
Yayınlav kiçikniñ 21-nde saat 19:00-da (Kıyiv vaqtına köre — muar.) teşebbüsniñ YouTube ve Facebook saifelerinde olacaq.
İmlânıñ yayınlavı yekünlengen soñ iştirakçilerniñ üç saati bar — saat 23:00-ğa qadar, yazılğan metinniñ fotoresimi ya da skan kopiyasını (er alda elyazma — muar.) teşebbüsniñ elektron poçtasına yollamaq içün: [email protected].
İmlânıñ metnini teşkilâtçılar ertesi künü, kiçik aynıñ 22-de, leyhanıñ içtimaiy ağlardaki saifelerinde derc etecekler.
Hata yapmağan iştirakçiler teşviqat bahşışlarını alacaqlar.
Onlayn imlânıñ neticeleri 2026 senesi sabannıñ 21-nde ilân etilecek.
Hatırlatamız ki, 2026 senesi Ukrayina prezidentiniñ fermanı beklenile, o, resmen ilk küz ayınıñ 10 kününi Qırımtatar tili ve edebiyatı künü olaraq belgilecek. Aynı zamanda, bu tilniñ imlâsı üzerinde büyük iş alıp barıla, hususan latin urufatına keçüv.
Evel Suspilne Qırım İvano-Frankivskten kelgen ve yaralanğan soñ tedaviylengen vaqıtta qırımtatar tilini ögrenmege başlağan ve cenkte Starlink ile körüşip, qırımtatar tilini ögrenmege devam etken asker Viktor Levıtskıynıñ ikâyesini tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
