Qırımdan eki işğalli "mahkeme" 15 yılğa üküm etile bilir — Ukrayinada olarğa duşmannen işbirlik faaliyetiUkrayina CQniñ 111-1-nci maddesiniñ 7-nci qısmınde şübe bildirildi. 2016 senesi şübelengenler işğalcilerge hızmet etmege başladılar. Olardan biri daa evel yarımadadan ukrayin vatandaşınıñ sürgün etilmesi aqqında qanunsız "qarar" çıqarğanı içün 10 yılğa ğıyabiy şekilde mahküm etildi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Uquq qorçalayıcı organlardan bir menba Suspilne Qırımğa, söz İğor Değtâröv ve İnna Semenets aqqında yürsetkenini anonim şekilde bildirdi.
"Taqiqat malümatına köre, Ukrayina vatandaşları işğalli Qırım mahkeme organlarında "adalet"ni daa 2016 senesi yerine ketirmege başladılar. 2024-2025 seneleri olar işğalcilerniñ "Qırım Cumhuriyetiniñ Bağçasaray rayon mahkemesiniñ reisi" ve "Sevastopol şeeriniñ Balıqlava rayon mahkemesiniñ mahkemevisi" vazifelerini göñülli olaraq almağa teklifine razı oldılar. Rusiye Federatsiyası adından ve menfaatlarında qararlarnı qabul etip, şübelengenler yarımadada işğalli mahkeme sistemasınıñ çalışmasına yardım eteler", — dep haberde qayd etildi.
2025 senesi ukrayin mahkemesi İğor Değtârövni ğıyabiy şekilde cenk qanunları ve adetlerini bozğanında qabaatladı ve 10 yıllıq apis cezasını berdi.
Prokurorlıqnıñ malümatına köre, o, vaqtınca işğal etilgen Qırım yarımadasınıñ sakinleri halqara gumanitar uquqnıñ qoruvı altında olğanını bile edi. Amma 2018 senesi Ukrayina vatandaşınıñ Qırım tışına sürgün etilmesi aqqında qarar aldı. "Rusiye Federatsiyası toprağında bulunma rejiminiñ çetel tarafından bozuluvı" sebebinen sürgün etildi.
"Böyleliknen o, 1949 senesiniñ cenk vaqtında vatandaş ealisini qoruv şartnamesiniñ talaplarını bozdı, o, işğal etilgen toprağından insanlarnıñ mecburiy şahsiy ya da kütleviy köçürüvi ya da sürgünligini yasaqlay. O, cenk qanunlarını ve adetlerini bozğanında (Ukrayina Ceza qanunsmesiniñ 438-inci maddesine binaen) qabaatlı tanıldı ve 10 yılğa mahküm etildi", — dep haberde bildirildi.
Bundan da ğayrı, Ukrayina Prezidentiniñ Fermanınen Değtârövge qarşı sanktsiyalar kirsetildi.
Açıq menbalardan alınğan malümatqa köre, İnna Semenets Rusiye kontrolindeki "Sevastopol şeeriniñ Balıqlava rayon mahkemesi"niñ "mahkemecisi" ola". O, Mıkolayivden kele, şimdi işğal etilgen Sevastopolda (Aqyarda) yaşay. Eskiden onıñ soyadı Ğukaylo edi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
