Taqiqatnıñ malümatına köre, işğalli mahkemeci 2018 senesi Ukrayina vatandaşını Qırım tışına sürgün etmege qarar aldı. Ukrayina mahkemesi onı cenk qanunları ve adetlerini bozğanında qabaatladı ve 10 yılğa üküm etti.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
UPD// Suspilne Qırımnıñ menbalarından belli olğanı kibi, söz İğor Degtârov aqqında kete. 2024 senesi 6 yılğa "Bağçasaray rayon mahkemesiniñ yolbaşçısı" olaraq tayinlendi.
Ukrayinada Ukrayina vatandaşını yarımadadan çıqarmaq qanunsız qararını çıqarğan işğal etilgen Qırımdan mahkemeci ğıyabiy şekilde mahküm etildi. Prokurorlıqnıñ malümatına köre, o, vaqtınca işğal etilgen Qırım yarımadasınıñ sakinleri halqara gumanitar uquqnıñ qoruvı altında olğanını bile edi. Amma 2018 senesi Ukrayina vatandaşını Qırım tışına sürgün etmek qararını aldı. O, "Rusiye Federatsiyasınıñ toprağında bulunma rejiminiñ çetel tarafından bozuluvı" sebebinen sürgün etildi.
"Böyleliknen, o, 1949 senesi cenk vaqtında vatandaş ealisini qoruv şartnamesiniñ talaplarını bozdı, o, işğal etilgen topraqtan insanlarnıñ mecburiy şahsiy ya da kütleviy köçürüvi ya da sürgün etilmesini yasaqlay. O, cenk qanunlarını ve adetlerini bozğanında qabaatlı tanıldı (Ukrayina Ceza qanunanmesiniñ 438-inci maddesiniñ 1-inci qısmı) ve 10 yılğa mahküm etildi", — dep haberde qayd etildi.
Bundan da ğayrı, Ukrayina Prezidentiniñ Fermanınen mahküm etilgenge qarşı sanktsiyalar qullanıldı.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
