"Sarı şerit" areketiniñ vekilleri işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Aluşta, Donetsk, Berdânsk ve Melitopol şeerlerinde kiçik aynıñ 16-nda qayd etilgen Birlik kününe "Putin defol ket" aktsiyasını keçirdiler. Birlik künü ğayesi 2022 senesi kiçik aynıñ başında peyda oldı, kiçik aynıñ 16-nda Rusiye Ukrayinağa tolu miqyaslı istilâ ete bilecegi aqqında malümat peyda oldı.
Areket Telegramda bunı bildirdi.
"Birlik künü vaqtınca işğal etilgen topraqlarnıñ sakinleri, ukrayinler öz saylavlarında bir olğanını ve işğalni qabul etmegenini köstere. Berdânsk, Melitopol, Sevastopol (Aqyar — terciman), Aluşta ve Donetskten "Sarı şerit" areketiniñ faalcileri "Putin defol ket" şiarını birleştirdiler. Şeerler farqlı, amma nazar noqtası birdir", — dep "Sarı şerit" qayd etti.
Birlik künü — 2022 senesi kiçik aynıñ 16-nda Ukrayina Prezidentiniñ Fermanınen keçirilgen devlet aktsiyasıdır.
Aktsiya "Ukrayina cemiyetiniñ birleştirüvini quvetleştirmek, gibrid telükelerniñ artması, cemiyet añına haber-teşviqiy, ahlâqiy-ruhiy basqı şaraitinde onıñ dayanıqlığını pekitmek maqsadınen", Ukrayina Prezidentiniñ "Ukrayina cemiyetiniñ birleştirüvine dair acele tedbirler aqqında" 2022 senesi kiçik aynıñ 14-nde 53/2022-nci fermanına binaen ilân etildi.
"Bir-birimizge qol tutmaq, Ukrayinada umumiy nazar noqtasını ve imannı saqlamaq müimdir", — dep "Sarı şerit" qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
