İşğal etilgen Qırımnıñ Yaltadaki A.P. Çehovnıñ ev-müzeyi, Ukrayina medeniy mirası obyekti, yoq etilüv telükesi altında qaldı. Qomşu töpede topraq işleri başlağan soñ, müzeyniñ divarlarında "parmaq qalınlığındaki çatlar" peyda oldı.
Kiçik aynıñ 14-nde "Qırım.Realiyi" neşiriniñ tefsirinde Qırımnıñ tarihçısı anonimlik şartınen bu aqqında bildirdi.
Onıñ aytqanına köre, qurucığa yerastı suvlarnen tolu avdarma telükesi olğan yoldaki bir yer ayırıldı, anda 2019 senesi destek divarı yıqıldı.
"Tış işler nazirliginiñ yerli sakinlerniñ teşebbüs gruppasınıñ mektübine bergen cevabına köre, Yalta memuriyeti küçlü titreme ketirgen qazma işleriniñ keçirilmesine izin berdi, Çehovnıñ ev-müzeyi yerleşken topraq qatlamını deñiştireler. Yerli sakinler pek qasevetlene, çünki qurucılıq meydançığı eski divar tarafından tutula. Tehnikiy tedqiqler ve destek divarınıñ dayanıqlığı boyunca qıymet kesüv yapılmadı!" — mütehassıs dedi.
Onıñ qayd etkenine köre, telükede tek müzey degil de, Yalta sakinleriniñ evleri de bar.
Yerşınas, Yaltada, qanunlarğa, "umumiy aqılğa" ve alimlerniñ yaqınlaşqan 8-9 bal quvetindeki zelzeleler aqqında bildirüvlerine zıt, kütleviy şekilde noqta qurucılığı alıp barıla, dep bildirdi.
"Olarnı mında muntazam sürette qabarcılıqta tutalar, amma olar devam eteler. Yanina PavlenkoYalta işğalci memuriyetiniñ yolbaşçısı özü "telükeli vesiqalarnı" imzalamay, neticede uquq qoruyıcılar onıñ vekillerini urdı. Bir qaç kün evelsi onıñ birinci muavini ve memuriyetniñ daa bir qaç hadimi "SVORusiye akimiyeti Ukrayinağa qarşı cenkni böyle adlandıra"ğa yol aldı. Yalta taksi aydavcıları deyler ki, aks alda olar daa uzaq yerlerge ketecek ediler", — dep o qayd etti.
"Beyaz bağça" olaraq belli olğan Çehovnıñ ev-müzeyi 1898-1899 seneleri qurulğan edi. Mında yazıcı ayatınıñ soñki yıllarını keçirdi (1899-1904) ve eñ belli eserleriniñ bir sıralarını yarattı, şu cümleden "Üç bacı", "Çiygoz bağçası" ve "Köpekli hanım".
Müzey Ukrayina medeniy mirası abidesi ola, em de "Rusiye Federatsiyasınıñ federal emiyetli medeniy miras obyektleri" cedveline kirsetilgen.
Daa evel Yalta işğalci memuriyeti Qırım "Avrbitratsion mahkemesine" dava açıp, çeşit yıllarda "Altın tüy", "Argo" ve "Orange" olaraq belli olğan sabıq restoran-galeranı yıqtırmağa talap etken edi. 1999 senesi yalı kenarındaki dalğalı yerde qurulğan bina, çoqtan berli şeerniñ simvollarından biri edi.
Hatırlatamız, Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "№6 Tavr meskün yeri" arheologik obyektinde işğalciler beton istisalını ve anbarını qurmağa planlaştıralar. "Şeker Kafası" territoriyası, Aqyarnıñ (Sevastopolnıñ) eñ eski arheologik komplekslerinden biridir ve evelden hocalıq faaliyetinden sebep zarar körgen edi.
Telegram, WhatsApp, Facebook, TikTok ve YouTubede Suspilne Qırım habelerine abune oluñız
