Ukrayina mudafaa quvetleri kiçik aynıñ 12-nde işğal etilgen Qırımda Novoozerne şeerinde Gvardiya gemisinde RSP-10 radar stantsiyasını ve BK-16 transport-desant katerini urdı.
Kiçik aynıñ 14-nde Facebookta ASQ Baş ştabı bu aqqında haber etti.
"2026 senesi kiçik ay 12-de Ukrayinanıñ vaqtınca işğal etilgen Qırımda Novoozerne şeerinde duşmanlarnıñ BK-16 transport-desant katerini muvafaqiyetnen urdılar... Bundan ğayrı, kiöik aynıñ 12-nde, Gvardiyske (Qırım Cumhuriyetiniñ VİET) rayonında RSP-10 radar stantsiyası zarar kördi", — dep haberde aytıla.
Kiçik aynıñ 13-nde Ukrayina Silâlı quvetleriniñ Baş ştabı Kezlev (YevpatoriyaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında "Nebo-U" 55J6U radar stantsiyasına ücüm etilgenini tasdıqladı.
Hatırlatamız, UUAQ vaqtınca işğal etilgen topraqlarda Rusiye arbiyleriniñ bir qaç obyektini yoq etti. O cümleden, kiçik ayñ 12-nde ukrayin arbiyleri Qırımdaki "Gvardiyskıy" arbiy ava limanına ücüm etti.
Kiçik aynıñ 11-ne keçer gecesi Qırımdaki Lobanovo mesken yeri civarında Rusiye ordusınıñ yanacaq-yağ malzemeleri anbarına ücüm etildi.
Telegram, WhatsApp, Facebook, TikTok ve YouTubede Suspilne Qırım habelerine abune oluñız
