İşğalli Qırım mahkemesi Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ sakinini "devlet hainligi" içün sert rejimli müstemlekede 20 yılğa üküm etti.
Kiçik aynıñ 12-nde işğalli Qırım prokurorlığı Telegramda bunı bildirdi.
"Simferopol rayonınıñ sakini Ukrayina havfsızlıq hızmetiniñ vekiline muracaat etip, onıñ Rusiyege qarşı faaliyetinde çetel istihbaratına yardım etmege azır olğanını bildirdi", — dep haberde qayd etildi.
Bundan ğayrı, qayd etildi ki, 2024 senesi orta küz ayında bir adamğa "kuratorlar" tarafından Simferopol (Aqmescit) rayonında "yabancı devlet vekili tarafından belgilengen yer"ge avuştırılacaq öz başına yapılğan patlayıcılar saqlanğan yer tapmaq vazifesi berildi.
Daa evel Ukrayina prezidentiniñ Qırım Muhtar Cumhuriyetindeki temsilciligi, işğal etilgen Qırımda siyasiy sebeplerden açılğan cinaiy davalarnıñ aman-aman 88%-i apis cezasınen yekünlengenini bildirdi.
Hatırlatamız ki, 2025 senesi işğal etilgen Qırımda 244 tevqif qayd etildi, olardan 90-ı — qırımtatarlarğa qarşı edi, dep Qırımtatar resurs merkezi bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
