Qırımnıñ Bağçasaray şeerinde işğalciler qırımtatar Yunus Süleymanovnıñ evini tinttiler. FSB hadimleri onı tutıp, evden alıp kettiler.
Kiçik aynıñ 12-nde "Qırım birdemligi" cemaat teşkilâtı Facebookta bunı bildirdi.
"Şimdilik onıñnen bağ yoq, onıñ yaşağan yeri ve dava statusı resmen bildirilmey. Qabaatlavlarnıñ tafsilâtları şimdilik belli degil", — dep haberde qayd etildi.
Bugün Bağçasaray rayonınıñ Ğlıbokıy Yar köyünde qırımtatar Nariman Seitalievniñ evi de tintildi. Erkekniñ vesiqaları, telefonı ve soy-soplarınıñ aytqanına köre, quvetçiler tarafından oña qoyulğan eki kitap alındı.
Hatırtlatamız ki, 2025 senesi işğal etilgen Qırımda 244 tevqif qayd etildi, olardan 90-ı — qırımtatarlarğa qarşı edi, dep Qırımtatar Resurs Merkezi haber berdi.
Aynı zamanda 2025 senesi ilk qış ayında işğal etilgen Qırımda dört ev tintildi, 14 adam tutuldı, 10 adam soğruğa çekildi ve ''subet'' keçirildi, em de 20 adam tevqif etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
