Kiçik aynıñ 12-ci gecesi işğal etilgen Qırımda patlamalar duyuldı. RF Mudafaa nazirligi, yarımada üzerinde beş uçucısız uçaq aletini, Azaq ve Qara deñizleri üzerinde daa bir qaç dronnı tüşürgenini bildirdi.
Rusiye Mudafaa nazirligi Telegramda bu aqqında haber berdi.
Şu cümleden o bildirdi ki, Azaq deñizi üzerinde dört dron ve Qara deñiz üzerinde daa bir dron tüşürildi. Umumen RF Mudafaa nazirliginiñ malümatına köre, gece maalinde RF ve Qırım toprağında 106 dron yoq etildi.
Bundan ğayrı, Kıyiv vaqtına köre saat 22:15-te işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojaev şeerde otuz daqqağa ava telükesini ilân etti. Ava telükesi vaqtında Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) patlamalar duyuldı, dep ''Qırım yeli'' Telegram kanalınıñ şaatları haber berdiler.
Bundan da ğayrı, o qoştı ki, gece saat tahminen 03:00-te Ğvardiyskede ''küçlü bir patlama'' duyuldı. Bundan soñ rusiye askerleriniñ garnizonında ava telükesi ilân etildi.
Kiçik aynıñ 11-nde aqşam maalinde Sevastopolda (Aqyarda) ava telükesi eki saatke ilân etildi, işğalli akimiyet eki ava masadını urğanını bildirdi. Bundan ğayrı, şeerdeki vaziyet sebebinden deñiz yolcu naqliyatınıñ areketi de toqtatıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
