Ukrayina Tış işler nazirligi (TİN) bildirdi ki, Qazahistandan sürgün etilgen soñ RFda tevqif etilgen, Qırımdan İT hadini Oleksandr Kaçkurkin Astanadaki ukrayin diplomatçılarına, şu cümleden pasport vesiqalaştırmaq maqsadınen, asla muracaat etmedi. Nazirlik, onıñ Qazahistanda rusiye pasportı vastasınen bulunğanını qayd etti ve Ukrayina vatandaşlığına saip olğanını tasdıqlağan vesiqa yoq.
Ukrayina TİNniñ matbuat hızmeti, Suspilne Qırımnıñ muracaatına cevap olaraq bu aqqında haber berdi.
"Bizim malümatımızğa köre, Oleksandr Kaçkurkin, Qazahistan toprağında bulunğanda memuriy qanunnı bozğan Rusiye Federatsiyası vatandaşı olaraq Qazahistan Cumhuriyetinden sürgün etildi", — dep nazirlik bildirdi.
Mahkeme qarar aldı ki, o, üç kün devamında Qazahistan toprağından çıqmalı. Bu qarar yerine ketirilmese, yabancı mecburen çıqarılır.
TİN qayd etti ki, Raçkurkin rusiye pasportı vastasınen Qazahistanda buluna ve tedbirlerde iştirak etmek cenk vaqtında RFa kete edi.
"O, Qazahistandaki Ukrayina elçiligine, şu cümleden ukrayin pasportı vesiqalarını almaq maqsadınen, alsa muracaat etmedi. Oleksandr Kaçkurkin Qazahistan toprağından sürgün etilmeden evel Astanadaki Ukrayina diplomatik müessisesi de ondan ya da vekillerinden yardım aqqımda muracaat almadı", — dep bildirildi.
Bundan ğayrı, o qayd etti ki, Ukrayina vatandaşlığına saip olğanını bildirgen insanlar tutulğanda olğanı kibi Qaazahistan Cumhuriyeti akimiyet organları da ukrayim diplomatlatına muracaat etmedi.
Nazirlik qoştı ki, Kaçkurkinniñ Ukrayina vatandalığına saip olğanını tasdıqlağan vesiqaları yoq.
Hatırlatamız ki, 25 yaşındaki İT hadimi Oleksandr Kaçkurkin siyasiy sebeplerden işğal etilgen Qırımdan Qazahistanğa köçip, Almatı şeerinde yaşağan edi. 2014 senesi yarımada işğal etilgen soñ o, işğalcilerniñ mecbur etkenleri rusiye vatandaşlığını aldı.
"Pervıy otdel" uquq qorçalayıcı leyhasınıñ malümatına köre, qara qış ayında Almatı polisi, uyğun olmağan yerde yerden keçkeni ve qapalı odada nargile çekkeni içün oña qarşı eki memuriy protokolnı tizdi.
Uquq qorçalayıcılar qayd eteler ki, protokollar uydurılğan edi, adetince ceryan aftalarca ya da aylarca devam etkenine baqmadan, sürgünlik qararını ise bir qaç saat içinde alındı.
"Rusiye quvetçileriniñ insanlarnı taqid etmeleri içün Qazahistan uquq qorçalayıcı organları ve qanunlarınıñ qullanılmasını köremiz. Qayd etmek mecburmız: Qazahistan, Ukrayina vatandaşları içün telükesiz ve uquqiy olmağan devletke çevirege başlay", — dep leyhanıñ advokatı Yevhen Smırnov bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
