Zelenskıy Aqyarda ava-kosmik bürosına qarşı müddetsiz sanktsiyalar kirsetti

Söz işğal etilgen Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "Mahsus aerokosmik donatmalarnıñ tetqiqat-konstruktor bürosı" sıñırlı mesüliyetli cemiyet aqqında kete. Açıq menba malümatına köre, o, aviatsiya tehnikası, uçaq aletleri, sistemaları ve donatmalarınıñ istisalında ihtisaslaşqan.

İşğalci "büro"ğa müddetsiz sanktsiyalar kirsetilüvi aqqında Ukrayina prezidentiniñ №102/2026 buyruğınıñ 2-nci ilâvesinde bu aqqında haber etile.

2015 senesinden başlap Aqyarda (Sevastopolda) Meçnikov soqağında "Mahsus aerokosmik donatmalarnıñ tetqiqat-konstruktor bürosı" çalışa. Rusiye kütleviy haber vastaları işhaneniñ özü aqqında malümat derc etmey. Aqyarnıñ (Sevastopolnıñ) ilânlar saytında 2022 senesinde yuqarıda añılğan büroda çalışmaq içün uçaqsuz uçuşlarnen oğraşqan mütehassıslar qıdıruvı aqqında malümat bar. Potentsial işçi içün talaplar arasında — UUA-nı tertip etüv, ayarlav ve idare etüv, ingliz tilini bilmek.

Hatırlatamız, Ukrayina prezidenti Volodımır Zelenskıy, Rusiye raketaları ve uçucısız uçaqlarınıñ istisalında iştirak etken şirket ve qurulışlarğa, em de Rusiye maliye sektorına qarşı yañı sanktsiyalar kirsetilüvi aqqında ferman imzaladı.

Zelenskıynıñ aytqanına köre, cumaertesi künü gece Rusiye Ukrayinağa qarşı daa bir kütleviy ücüm yaptı, 400-den ziyade ücüm uçağı ve çeşit çeşit raketalarnıñ aman-aman 40 raketasını qullandı. Prezident qayd etti ki, bu silânıñ istisalı, Rusiyege sanktsiyalarnı bozıp ketken çetel kritik qısımları olmasa, imkânsız olur edi.

"Şunıñ kibi şirketlerge qarşı — komponentlerniñ teminleyicileri ve raketa ve uçurımsız uçaqlarnıñ istisalcıları — biz yañı sanktsiyalar kirsetecekmiz. Men mütenasip qararlarnı imzaladım", — Zelenskıy dedi.

Ayrı bir ferman ile Rusiye maliye sektorına qarşı sanktsiyalar kirsetildi. Cedvelge Rusiye raketaları ve uçaqları içün qısımlarnıñ teminlevi içün esaplar yapılğan şirketler kirdi.

Bundan ğayrı, sanktsiyalar Rusiye kripto bazarı ve madenciliginiñ faaliyetini temin etken qurulışlarğa qarşı kirsetildi. Prezidentniñ aytqanına köre, qabul etilgen qararlarnıñ bir qısmı Avropa Birliginiñ 20-nci sanktsiyalar paketine kirsetilecek, o, şimdilik soñki añlaşma basamağında buluna.

Читати ще