İşğal etilgen Qırımda insan aqları vaziyeti qıyın olıp qala. Human Rights Watchnıñ malümatına köre, eñ az 220 insan siyasiy sebeplerden taqip etildi, olarnıñ çoqusı - qırımtatarlardır. Em de Rusiye yarımadada balalarnıñ arbiyleştirilüvini toqtatmay.
Human Rights Watchnıñ (HRW) saytında kiçik aynıñ 4-nde derc etilgen 2025 senesi esabatında bu aqqında aytıla.
"Rusiye tarafından işğal etilgen Qırımda insan aqları vaziyeti ağır olıp qala. İşğalli Rusiye akimiyeti siyasiy ceetten faal qırımtatar cemiyetiniñ vekillerini ve Rusiyeniñ Qırımdaki areketlerini tenqit etken diger insanlarnı taqip etmege devam etti. Uquq qorrçalayıcı teşkilâtlar 2025 senesiniñ ortasında 220 insan, şu cümleden 130-dan ziyade qırımtatar, siyasiy sebeplerden taqip etilgenini bildirdi", — dep haberde qayd etildi.
Esabatnıñ müellifleri siyasiy mabüslerge yapılğan insaniyetsiz munasebetni ve olarnıñ tibbiy yardım aqqınıñ sıñırlanuvını qayd eteler.
"İlk küz ayında Avropa Birligi işğal etilgen Qırımda Rusiye Federal Cezalandıruv hızmetiniñ eki yüksek memurına qarşı mabüslerge insaniyetsiz munasebette iştirak etkenleri ve olarğa tibbiy yardım köstermegenleri içün sanktsiyalar kirsetti. Bu areketlerden zarar körgen mabüsler arasında uquq qorçalayıcılar İrına Danılovıç ve Amet Süleymanov bar edi", — dep saytta aytıla.
Bundan ğayrı, tedqiqat müellifleri qoşalar ki, işğal etilgen Qırımda Rusiye akimiyeti balalarnı indoktrinatsiyafikirlerniñ, doktrinalarnıñ ya da işançlarnıñ muntazam şekilde ilâve etilmesi, olarnı tenqit etüv ya da şübe etüv olmadan qabul etmege talap etüv. Ögrenüvden farqlı olaraq, bu esnas, çoqusı allarda tasil ya da siyasiy sistemalardaki teşviqat neticesinde subyektiv baqış ve körü körüne işanç şekillendirmege doğrultılğan etmege ve arbiy azırlamağa devam ete, em de balalarnı Ukrayina tarafını tutqanları içün taqip ete ve cezalandıra.
Human Rights Watch — halqara, ükümetke bağlı olmağan, kâr maqsadına çalışmağan, merkezi New Yorkta (AQŞ) olğan dünyanıñ 70-ten ziyade memleketinde insan aqlarını qorçalağan teşkilât.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
