İşğal etilgen Qırım özenlerinde himiyeviy kirlenüv normalarınıñ aşılması qayd etildi, hususan, suvlarda nitrit ve ammoniy azotı tapıldı.
RİA "Novosti Krım", işğalli "Qırım gidrometeorologiya ve etraftaki müit monitoringi idaresi"niñ tedqiqatına esaslanıp, bunı bildirdi.
"Bu maqsatnen Qırımnıñ farqlı özenlerinden 11 yuqarı suv örnekleri alındı. Suv obyektleriniñ yüksek ve pek yüksek kirlenüvi qayd etilmedi. Bundan da ğayrı, bazı örneklerde üzviy maddelerniñ eksilüvi qayd etildi", — dep haberde bildirildi.
Bundan da ğayrı, haber agentligi yazdı ki, Salğır özeniniñ Dvoriççâ köyünde fosfor kontsentratsiyasınıñ yüksekligi qayd etildi.
Hatırlatamız ki, Radio Svobodanıñ "Qırım.Aqiqat" leyhası, yerli ekolognıñ sözlerine atıf etip haber berdi ki, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yapma gölünden suv berilmegeni sebebinden Salğır özeni bataqlana ve otnen basıla.
2025 senesi orta küz ayında Sankt-Peterburg devlet universitetiniñ rus alimleri işğal etilgen Qırımnıñ ğarbinde unikal tuzlu göllerniñ kirlenüvini tapqanlarını bildirdiler. Örneklerniñ talili, menfiy deñişmelerniñ esas sebebi insaniyet tesiri olğanını kösterdi.
Sankt-Peterburg devlet universitetiniñ matbuat hızmeti bunı bildirdi, dep TASS Rusiye devlet agentligi haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
