2025 senesi devamında işğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yapma gölünden Salğır özüne suv berilmegenine baqmadan yapma gölü aman-aman toldurılamadı. Aynı zamanda özenniñ yatağı bataqlıqqa çevirile ve otnen basıla.
Yerli ekolog ''Qırım.Aqiqat''nıñ Radio Svoboda leyhasınıñ jurnalistlerine anonim şekilde bunı añlattı.
Onıñ fikrince, Simferopol (Aqmescit) yapma gölüni tolduruv meselesi daa beter olur.
''Keçken sene Simferopol yapma gölünden Salğır özenine suv aman-aman berilmedi, bu sebebinden özenniñ yatağı otnen basıla ve bataqlıqqa çevirile. Salğır özeniniñ vadiylerinde (yapma gölünden aşağıdaki suv yolunda) ve Qurçı özeninde kütleviy qurucılıq işleri meseleni kerginleştire. Kelir almaq içün yerli akimiyet öz vesiqalarında özenlerge irmaq statusını bere ve suv qoruyıcı qanunlarına riayet etmeden yañı binalarnı qurmağa izin bere. Neticesinde özenlar yanında qurulğan binalar sebebinden olarnıñ suv seviyesi tüşe, keçken sene Qurçı özeni ise Obrıv köyüniñ suv alıcı kerişindeki qanunsız başlatılğan topraq işleri sebebinden çoq kere qurudı'', — dep ekolog añlattı.
Ekolognıñ fikrince, işğalli Qırım akimiyetiniñ saylağanı Qırım yarımadasındaki kütleviy qurucılıq işleri strategiyası Qırım özenleriniñ debetiniñ tüşmesiniñ sebebi ola.
Hatırlatamız ki, 2025 senesi devamında işğal etilgen Qırımnıñ suv yedegi 34 million kubometrge eksildi, bu ise yañı az suvlu devirniñ yaqınlaşqanını köstere. RİA ''Novosti Krım'' bu aqqında haber berdi.
Qırım Federal universitetiniñ himiyaviy tehnologiyalar ve suv qulanuvı bölüginiñ yolbaşçısı, professor İllâ Nikolenkonıñ sözlerine köre, tabiiy şekilde suvnen toldurılğan yapma gölleri ilk qış ayınıñ 24-ne qadar 4 mln kubometrge toldurıla bildi.
Nezaret ve esap malümatına köre, Qırım içün yapma göllerini suvnen tolduruv saasındaki bütün köstergiçler tüşip tura.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
