Qırım işğal etilgen soñ Rusiye tarafına keçken USQniñ 12 sabıq askeri 15 yılğa qadar apis cezası ve mal-mülkniñ musadere etilmesine üküm etile bilirler. Ukrayinada olarnı devlet hainligiUkrayina CQniñ 111-nci maddesiniñ 1-nci qısmı ve qaçaqlağanlarıUkrayina CQniñ 408-nci maddesiniñ 1-nci qısmı sebebinden mahkeme etecekler.
Kiçik aynıñ 3-nde Ukrayina Baş prokurorınıñ Ofisi saytında bu aqqında haber etildi.
"2014 senesi saban ayında yarımada işğal etilgen soñ, olar yañı yerleşüv yerlerine kelmediler ve işğalli Rusiye bölüklerine qoşuldılar. Şimdi olar işğal etilgen yarımadada Rusiye Federatsiyasınıñ Qara deñiz flotunıñ ava mudafaası ve deñiz piyade erkânında hızmet eteler. "Bütün qabaatlanğanlar Ukrayina ve halqını qorçalamağa vade etip, arbiy yemin etti, amma istilâcı devletniñ ordusında hızmet etmege qarar aldılar", — dep haberde qayd etildi.
Daa evel Kıyivde mahkeme Ukrayina Silâlı quvetleriniñ Qırımdaki Ava quvetleriniñ sabıq zabitini devlet hainligi ve qaçaqlağanında ğıyabiy şekilde qabaatlı tanıdı. Tahqiqatnıñ malümatına köre, 2014 senesi o, Vinnıtsâ vilâyetinde yañı yerleşüv yerine kelmedi, Rusiye ordusına hızmetke keçti.
UHHniñ malümatına köre, o, defalarca Rusiye kütleviy haber vastaları içün teşviqiy levhalarda iştirak ete edi. Soñra daa yahşı vazife aldı ve FRnıñ Qırımdaki arbiy qısmınıñ diviziya komandanı oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
