İşğalli Qırım "prokurorlığı", "Ukrayina havfsızlıq hızmetinde çalışqanı"nda şübelengen adamğa qarşı qabaatlavnı mahkemege berdi. Onıñ aytqanına köre, o, belli bir para içün "SİM-kartlar qutusını avuştıracaq edi".
Telegramda Rusiye kontrolindeki "Qırım prokurorlığı"nıñ matbuat hızmeti bunı bildirdi.
İşğalli uquq qorçalayıcılar deyler ki, yarımadanıñ sakini "SİM-kartlarnen qutularnı alıp, 4 biñ ruble (tahminen 2 biñ ğrıvnâ — muar.) alacaq edi.
"Adam, "SVOMahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir."nıñ keçirilmesine qarşı olıp, Ukrayina Havfsızlıq hızmetiniñ vekilinen bağlandı, oña Rusiyege qarşı faaliyetinde çetel istihbaratına yardım etmege azır olğanını bildirdi. O, müdirden, çetel devletniñ vekilleri qullanmaq içün saqlanğan SİM-kartlarnen karton qutusını çıqarmaq vazifesini aldı", — dep haberde qayd etildi.
Adamnı işğalli ''FSBRusiye Federal havfsızlıq hızmeti — Sovet KGB esasında peyda olğan Rusiyeniñ esas içki mahsus hızmeti'' hadimleri tuttılar. İşğalciler cinaiy davanı "Qırım Yuqarı mahkemesi"ne yolladılar.
Hatırlatamız ki, bir qaç kün evelsi Rusiye FSBsi işğal etilgen Qırımda mahsus hızmetlerniñ birinde terroristik ücümniñ ögüni alğanını bildirdi. Olarnıñ malümatına köre, patlav aletinen bir ses teleradiosını alıp ketken şahıs tutuldı. Rusiye "terakt"nıñ teşkil etilmesinde ukrayin arbiy hızmetçisini qabaatlay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
