Rusiye Federal havfsızlıq hızmeti işğal etilgen Qırımda mahsus hızmetlerniñ birine terror ücüminiñ ögüni alğanını bildirdi. Olarnıñ malümatına köre, onı "Ukrayina mahsus hızmetleri tarafından celp etilgen" "ölümci" azırlağan edi.
TASS, Federal havfsızlıq hızmetine (FSB) atıf etip, bunı bildirdi.
"Qırım sakinine USQniñ mahsus operatsiyaları quvetleriniñ vekili muracaat etti, özüni Rusiye FSBsiniñ hadimi olaraq tanıttı ve havfsızlıq organlarına hızmet etmege teklif etti. Namzetniñ teşkerüvi olaraq Rusiye FSBsiniñ Qırım Cumhuriyeti ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki — terciman) idaresiniñ binasına, mahsus hızmette "hainler"ni tapmaq içün, yazma funktsiyası olğan portativ audio kolonkasını ketirmek kerek edi. Adamnı keçit noqtasında tuttılar", — dep haberde qayd etildi.
FSB malümatına köre, adamnı "Rusiye quvetçilerini ve özüni öldürmek içün celp etkenler, amma o bunı bilmey edi".
"Audio kolonkası altında gizli tutılğan, bir kilogrammlıq ecnebiy patlav maddesi, elektro patlatıcı ve, doğrudan icracı tarafından çalıştırılğanda çalıştırılğan, taşlama topları şeklindeki urğan elementlerden ibaret olğan, öz başına yapılğan qısım-fugas patlav cihazı tapıldı", — dep haberde bildirildi.
Beyanatta işğal etilgen yarımadanıñ qaysı şeerinde "terror ücümi azırlanğanı" ve onıñ muhtemel "cinayetçisi" aqqında tafsilâtlı malümat berilmey.
Bu malümat derc etilgen soñ Ukrayina mahsus hızmetleri izaat bermedi.
Daa soñra TASS Rusiye devlet agentliginiñ neşiri bildirdi ki, Rusiye mahsus hızmetleri terakt teşkil etüvde "Pivden" gruppasınıñ mahsus merkeziniñ hadimi İvan Krınov"nı qabaatlay. FSB malümatına köre, o, "Kramatorskta qayd etilgen ve şimdi Odesada ömür arqadaşı ve küçük balasınen yaşay".
"Keçken sene arman ayında o, Volgograd vilâyetiniñ evini "canlı bomba" olaraq qullanıp, Rusiye FSBsiniñ Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki — terciman) hadimlerine içinde patlayıcı cihaz olğan ortodoks timsalini berdi. Terroristik areketniñ ögüni alındı. Ukraina mahsus operatsiyaları quvetleriniñ hadimi ile bağlı cinaiy iş açıldı", - dep aytıla haberde.
RİA "Novosti Krım" Telegramda tutulğan şahısnıñ video-sorğusını, FSBniñ Qırımdaki kameralarından alınğan kadrlarnı ve ruslar tarafından "eki teraktnıñ teşkil etilmesi"nde qabaatlanğan ukrayin arbiy hızmetçisiniñ fotoresimini derc etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
