Ukrayinada, duşmannen işbirlik yapqan Qırım Yuqarı Şurasınıñ sabıq mebusını 15 yılğa ğıyabiy şekilde mahküm ettiler. O, Ukrayina toprağı ve devlet sıñırlarını deñiştirmek çağıruvlarıUkrayina CQniñ 110-ncı maddesiniñ 2-nci qısmında, Rusiye Federatsiyasınıñ Ukrayinağa qarşı silâlı tecavuzını aqlamaqUkrayina CQniñ 436-2-nci maddesiniñ 3-nci qısmıta qabaatlı tanıldı.
Qırım prokuorlığınıñ matbuat hızmeti bunı bildirdi.
"Prokurorlar, 2022 senesi orta küz ayında mahküm etilgenniñ, "Millet" teşviqat telekanalınıñ programması musafiri olıp, "DNR" topraqlarınıñ, Zaporijjâ vilâyetiniñ ve soñra "Rusiye terkibine kirmek" kerek olğan Ukrayinanıñ diger bölgeleriniñ "azat etilmesi"ne çağırğanını isbatladılar. Bundan ğayrı, o, Kremlniñ "halqlarnıñ birligi" ve RFnen "topraq birdemligi" aqqında ikâyesini tarqatqan edi, böyleliknen "Rusiyeniñ ukrayin topraqlarına aqqı" aqqında ğayeni ileri sürgen edi", — dep haberde qayd etildi.
Prokurorlıq qayd etti ki, mahküm etilgen — Qırım Muhtar Cumhuriyeti Yuqarı Şurasınıñ 6-ncı çağıruvınıñ sabıq mebusıdır.
"2014 senesi o, Qırım işğaline "qanuniy" qıymet kesmek maqsadınen qabul etilgen qanunsız qararlarnıñ qabul etilmesine rey berdi. Bu sebepten o, devlet hainliginde ve Ukrayina topraq bütünligi ve toqunılmazlığına qast etüvde qabaatlı tanıldı — Ukrayina Ceza qanunnamesiniñ 111-inci maddesiniñ 1-inci qısmı, 110-ıncı maddesiniñ 3-ünci qısmı", — dep prokurorlıq yazdı.
Bundan ğayrı, "mebus" AQŞ, Kanada, İsviçre, Büyük Britaniya, Avstraliya, Yañı Zelandiya, Yaponiya ve AB memleketleriniñ halqara sanktsiyalarına oğradı.
Suspilne Qırımnıñ menbasınıñ anonim şekilde bildirgenine köre, mahküm etilge adam Baharev Kostântın Mıhaylovıç ola.
''Çesno'' areketiniñ sözlerine köre, 2022 senesi MHMŞ ve Prezident Zelenskıynıñ qararınen Baharevge qarşı şahsiy sanktsiyalar qullanıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
