10 yıl devamında işğal etilgen Qırımdan qaçmağa azırlanğan ve 2025 senesi ilk qış ayında Kıyivge köçken 20 yaşındaki Polina Ukrayina vatandaşı pasportını aldı.
O, Suspilne Qırımğa bunı bildirdi.
"Men endi bir yerniñ resmiy vatandaşı olam. Qanunğa köre aqlarım bar. Ve men, niayet, öz memleketimniñ vatandaşı olam, bataqlıqnıñ vatandaşı degilim", — dep Polina Ukrayina pasportını alğan soñ ayttı.
Onıñ aytqanına köre, şimdi o öz — orduğa kirmek — maqsadına irişe bile.
"Menim içün devlet tarafından vatandaş olaraq tanılmam pek müim", — dep Qırım sakini qayd etti.
Rusiye pasportı tutıp alındı, Polina aytqanı kibi, onı yaqmağa planlaştıra edi.
Bundan da ğayrı, Kıyivge köçken soñ qız ayatı nasıl deñişkenini tarif etti.
"Keçenlerde Bring Kids BackUkrayina prezidenti Volodımır Zelenskıynıñ teşebbüsinen teşkil etilgen ukrayin gumanitar programması temsilcilerinen körüştim ve bazı şeylerni muzakere ettik ve ümüt etem ki, olarnı kerçekleştirirmiz. Soñra diger uquqçılarnı, hayriye teşkilâtlarını taptıq. Şimdi biz öz saifemizni inkişaf ettiremiz ve işğal altında ya da çetelde bulunğan ve Ukrayinağa kirip olamağan gençlerge yardım etmek içün elimizden kelgenini yapamız", — dep o qayd etti.
Bundan da ğayrı, Polina uçucısız uçaq aletiniñ pilotı-müendis oquvını bitirdi ve aynı zamanda UUA mektebinde çalışa. Baarge qadar Mudafaa quvetlerine qoşulmağa ümüt ete.
"Şimdi men orduğa kirmege isteyim, yani men EUAAesas umumiy arbiy azırlıqtan keçmege isteyim. Ve ümüt etem ki, kelecek intervyuda arbiy urbanı kiyip, er şeyni becergenim aqqında tarif etecegim", — dep qız qayd etti.
Polina yarımadadan paytahtqa üç memleketten Rusiye pasportı ve Ukrayina doğuv şeadetnamesinen keçip keldi. Qırım sakini Ukrayina Silâlı quvetleriniñ askerleri arasında hızmet etmege planlaştıra. 9 yaşında olğanda başlağan işğalde ukrayin tilini nasıl ögrengenini ve Ukrayinağa olğan sevgisini nasıl saqlağanını Suspilne Qırımğa tarif etti.
"Men Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda — terciman) doğdım. Soñra daa üç şeerde yaşadım. Bu Yalta, Kerç ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — teciman). Umumen, maneviy ceetten men özümni, ğaliba, Keriçli sayam. Çünki, anda az yaşasam da, bizim pek vatanperver bir cemiyetimiz, şeerimiz edi. Bizim "Keriçli Kodeksi" bar edi. Onıñ birinci maddesi böyle edi: "Ukrayinanı ve öz şeeriñni sev", — dep Polina añlattı.
Qara qış ayınıñ başında ükümet işğal etilgen topraqlarnıñ sakinleri içün Ukrayina pasportlarını aluv tertibini deñiştirdi, dep prezidentniñ QMCdeki temsilciligi añlattı.
Bundan soñ hususan balalıqtan işğalge oğrağan ve ukrayin pasportını almağan büyükler içün şahısnı belgilev ceyranı uzaqtan yapılacaq. Ukrayina vatandaşı pasportını resmiyleştirgende şahsiyetni tasdıqlağan diger vesiqalarnı da bermek mümkün.
Daa evel Suspilne Qırım jurnalistleri Qırım sakinleriniñ Ukrayina nezaretindeki topraqlarğa çıqmağa tırışqanları, amma işğal vaqtında çağına yetmegenleri içün Ukrayina vatandaşı pasportını resmiyleştirmek içün uquqiy qıyınlıqlarğa rastkelgen ikâyelerini añlattılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
