İşğal etilgen Qırımda Rusiye quvetçileri tarafından "devlet hainligi"nde qabaatlanğan 32 yaşındaki Yalta sakinine qarşı cinaiy dava açıldı.
İşğalli Qırım prokurorlığı bunı bildirdi.
Tahqiqatnıñ versiyasına köre, "mahsus arbiy operatsiya"ğa qarşı çıqqan" adam 2023 senesiniñ ortasında Ukrayina Mudafaa nazirliginiñ Baş istihbarat idaresiniñ vekili ile bağ tuttı. Rusiye uquq qorçalayıcıları bildirdiler ki, o, "Rusiyege qarşı faaliyetke yardım etmege azır olğanını bildirdi".
Prokurorlıq şunı da qayd etti ki, 2023 senesi boş ayda adam "kurator"dan Sevastopolda (Aqyarda) arbiy tehnika yerleştirilgeni aqqında malümat toplamaq ve bermege vazife aldı.
Rusiye quvetçileriniñ aytqanlarına köre, "qabaatlanğan adam video çıqardı, em de Sevastopolda arbiy gemilerniñ ve Yalta civarında arbiy tehnikanıñ yerleşüvini çizdi".
Şimdi cinaiy dava mahkemege baqılmaq içün yollanıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
