Rusiye Federatsiyasınıñ Ukrayinada qarşı cenkini qoltutmaq içün maliye ve maddiy resurslar toplağan vaqtınca işğal etilgen Qırımnıñ eki sakini Ukrayinada mahkeme etilecek. Olar tecavuzcı devletke yardımUkrayina CQniñ 111-2-nci maddesiniñ 1-nci qısmı etmek ve ıntılmaqta qabaatlanalar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tedqiqatqa köre, qabaatlanğanlardan biri – “Narodnoye Yedinstvo/Yalta/Krım” birleşmesiniñ 42 yaşındaki tesisçisi – toplanğan paralarnen FPV dronları, cenk silâları, avtomobil ve taşınılğan radiostantsiyalarnı satın alıp, “SVO” iştirakçilerine berdi.
Daa bir qadın öz isteginen “Zaşçitniki” areketine qoşuldı ve onıñ bir qısmı olaraq 810-ncı ayrı gvardiya deñiz brigadası, Vagner ŞAŞ, “Kazak batalyonı” ve “Bars-5” şekillenüviniñ bölüklerine yardım etti.
Daa çoq adamnı “göñüllilik”ke celp etmek içün, cevapkârlar Yalta ve İnkerman şeerlerinde maddiy resurslar toplav noqtalarını teşkil ettiler. Olar içtimaiy ağlarda para toplav punktlarınıñ adresleri ve para toplamaq içün bank kartalarınıñ bilgileri aqqında malümatnı tarqattılar.
Eger qadınlar qabaatlansalar, olarğa 12 yılğace mahkeme cezası berilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
