Qırımda işğalciler Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ 19 yaşındaki sakinine qarşı “terror faaliyetini alıp barmaq maqsadınen” oquv keçüvinde qabaatlanğan daa bir dava açtılar (Rusiye Federatsiyası Cinaiy qanunnamesiniñ 205.3-nci maddesi). Onı apske aldılar.
Qara qış ayınıñ 28-de Rusiye Taqiqat eyyetiniñ Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) boyunca işğalli bölügi öz Telegram kanalında bu aqqında haber etti.
Bundan evel Qırım sakinine qarşı “terror aktına azırlağanı” içün endi cinaiy dava açılğan edi (Rusiye Federatsiyası CQniñ 30-nci maddesiniñ 1-nci qısmı, 205-nci maddeniñ 1-nci qısmı).
“Şimdiki vaqıtta teşkerüvde yigitniñ patlayıcı şeylerni ileride çıqarmaq maqsadınen yaqıcı aletlernen çalışuvda bilgi ve ameliy ustalıqlar alğanını tasdıqlağan yeterli deliller toplandı”, — dep işğalli taqiqat eyyeti qayd etti.
“Taqiqat”nıñ malümatına köre, yigit Simferopoldaki (Aqmescitteki) binanı yaqmağa planlaştırğan ve “cinayet aletleri”ni çıqarğan.
"Akimiyetniñ faaliyetini stabilsizleştirmek içün qabaatlanğan adam Simferopoldaki (Aqmescitteki) binanı yaqmağa planlaştırdı, bunıñ içün o, cinayet silâsı yaptı ve tanışları arasından terror aktında şerikler qıdırdı. Lâkin o, öz cinaiy areketlerini bitire bilmedi, çünki olar FSB ve İİNniñ cumhuriyet idareleriniñ hadimleri onı toqtattı”, — dep haberde qayd etildi.
Onıñ evinde tintüv vaqtında “müessise”niñ “taqiqat içün müim” dep adlandırğanı şeyler elge keçirildi.
Rusiye Ukrayinanıñ vaqtınca işğal etilgen topraqlarında muntazam sürette halqara uquqnı boza, cenkni tenqit etkenleri içün ve uydurılğan sebeplerden vatandaşlarnı kütleviy şekilde tuta. BMTnıñ İnsan aqları monitoring missiyasınıñ yolbaşçısınıñ muavini Moel Kalgunnıñ qayd etkenine köre, böyle tevqifler vaqtında işğalciler ukrayin ya da halqara qanunları yerine rusiye qanunlarına esaslanalar.
Bundan ğayrı, Rusiyede, bu añlamnıñ uquq ceetinden tam bir tarifi olmağanına baqmadan, cenkke qarşı ifadeler aqqında çaqmaq dalğası arta. Küzniñ başında anda "Rusiye Federatsiyası ordusını itibardan tüşürüv" maddeleri boyunca 1500 protokol tizildi. Ukrayina Tış istihbarat hızmeti bunı bildirdi.
Onıñ malümatına köre, 2022 senesi kiçik aydan 2025 senesi ilk qış ayına qadar RFdaki mahkemeler cenkke qarşı nazar noqtası içün 12019 memuriy ve 227 cinaiy davanı baqtı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
