AQŞnıñ sanktsiyaları altında olğan, Rusiye Federatsiyasınıñ bayrağı astında ketken gemi işğal etilgen Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) Suriyeniñ Lazkiye liman şeerine doğru yaldap ketti.
"Barıştırıcı" Merkeziniñ SeaKrime leyhasınıñ jurnalisti Katerına Yaresko bu aqqında haber berdi.
Onıñ malümatına köre, "Severniy Proect" gemisi 2026 senesi qara qış ayınıñ 6-20 künleri işğal etilgen Sevastopol (Aqyar) limanındaki "Avlita" kompleksiniñ 20-nci iskelesi yanında yüklendi, bundan soñ başqa limanlarğa kirmeden Suriyege doğru yol aldı.
Ukrayina MNniñ Bİİniñ War&Sanctions portalındaki malümatqa köre, geminiñ saibi sanktsiyalar altında olğan "TK Severnıt proyek" şirketi rusiye naqliyat şirketidir. Şirket Şimaliy deñiz yolundan deñiz yüklerini taşıy, bütün yıl boyunca Kenar Şimaliy ve Arktik yalılarına yüklerni alıp bara, Avropa ve Asiya ülkelerine yük alıp bara.
Şirket, 7-den 12 biñ tonnağace ağırlıqqa malik sıñırsız navigatsiya meydanlığı olğan quru yük parkına saip, umumiy, qarışıq ve standart olmağan yük, mahsus tehnika, donatma, konteyner yüklerini taşıy ve bütün kategoriyalarda havflı yüklerni taşuv içün litsenziyağa saiptir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
