Bu gece maalinde işğal etilgen Qırım üzerinde ve Qara deñiz üzeerinde rusiye AMS 29 uçucısız uçaq aleti tüşürildi.
RF Mudafaa nazirligi bu aqqında haber berdi.
Aynı zamanda Qırım köprü 7 saatten çoq qapalı edi. Köpürdeki vaziyet aqqında operativ malümat bergen Telegram kanalınıñ bildirgenine köre, maşna naqliyatınıñ areketi Kıyiv vaqtına köre saat 22:14-te toqtatıldı ve saat 5:32-de tiklendi.
Gece maalinde Sevastopolda (Aqyarda) ava telükesi ilân etildi, şeerdeki sirena beşten çoq saat çaldı. Şu anda ava telükesi yañıdan ilân etildi. İşğalli Sevastopol (Aqyar) gubernatorı Mihail Razvojaev bu aqqında haber berdi. Onıñ sözlerine köre, arbiy hızmetçiler "USQniñ ücümimi toqtattıp, deñiz üzerinde eki ava maqsadını urdılar".
Aynı zamanda yerli sakinler "Qırım yeli" Telegram kanalına haber berdiler ki, tahminen saat 01:00-de "Qaçı" ava limanı rayonında küçlü patlav oldı. Ava telükesi ilân etilmeden evel, şaatlarnıñ sözlerine köre, Fiolent burnu rayonında patlamalar eşitildi. Gece maalinde "Saq" ava limanında büyük kalibrli silâdan atışlar eşitildi.
Bundan ğayrı, Sevastopol (Aqyar) sakinleri haber berdiler ki, tahminen saat 07:55-te patlamalar eştildi, bundan soñ saat 07:57-de ava telükesi yañıdan ilân etildi.
Yerli işğalli Telegram kanalları, UUAleriniñ Omega ve Muson rayonları yönelişine ketkenini yazdı.
Hatırlatamız ki, qara qış ayınıñ 27-nde gece maalinde Ukrayina Mudafaa quvetleri, işğal etilgen Qırımnıñ Qaçı qasabası yanında yerleşken "Tor-M2" zenit-raketa kompleksine urdı.
Evel USQniñ Baş ştabı, qara qış ayınıñ 21-22 künleri arasında Qırımda RFnıñ bir qaç öbyektine urğanı aqqında haber berdi. Ukrayina Mudafaa quvetleriniñ bölükleri "Protivnik-GE" 59H6-E radiolokatsiya stantsiyasını; "Nebo-U" 55J6 radiolokatsita stantsiyasını; "Nebo-U" 55J6 radiolokatsita stantsiyasını yoq etti.
Qara qış ayınıñ başında USQniñ İnsansız sistemalar quvetleri, ava boşluğınıñ nezaretini temin etken işğal etilgen Qırımdaki radiolokatsita stantsiyasına urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
