Ukrayinada işğal etilgen Qırımdaki Rusiye Federatsiyasınıñ Ukrayinağa qarşı silâlı tecavuzını muntazam sürette aqlağan ve işğal etilgen Qırımda teşviqat telekanalında çalışqan İ.V. Vernadskıy Qırım federal universitetiniñ Media kommunikatsiyalar institutınıñ müdirine ğıyabiy şekilde ceza belgilediler.
Qara qış ayınıñ 27-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Mahkeme onı 11 yılğa azatlıqtan marum etip, mal-mülküni tutıp aldı. Bundan ğayrı, mahküm etilgenniñ teşkiliy-tertipke ketirüv ya da memuriy-içtimaiy vazifelerniñ eda etilmesinen bağlı vazifelerni eda etüv aqqından marum etildi, em de 11 yıl devamında jurnalist faaliyetinen oğraşmaq aqqından marum etildi.
Prokurorlar, 2022 senesi ilk küz ayında Ukrayina vatandaşı "Millet" teşviqat telekanalında müellif programmasını alıp barmağa başlağanını isbatladılar. Öz yayınlarında o, muntazam sürette Rusiye Federatsiyasınıñ Ukrayinağa qarşı silâlı tecavuzını aqlay edi.
"Ayrıca, mahküm etilgen Qırım ve diger ukrayin bölgeleriniñ işğaline qol tutqanını, olarnıñ "tarihiy olaraq" Rusiyege ait olğanını qayd etkenini, "Ukrayina devlet olaraq kelecekte qalmamalı", dep iddia etkenini bildirdi. İstilâcı devlet aqiqatta "kollektiv Avropanen küreşe", dep qayd etti ve silâlı istilâ başlağanında qabaatnı AQŞa yükledi", — dep prokurorlıq qayd etti.
Bundan ğayrı, teşviqatçı işğal etilgen yarımadanıñ sakinlerini Rusiye pasportlarını almağa çağırdı, Ukrayina Silâlı quvetlerine qoltutqan Qırım sakinlerini ise "Ukrayina ordusına alıp ketmege" teklif etti.
Mahkeme onı Ukrayina toprağı ve devlet sıñırınıñ sıñırlarını deñiştirmek maqsadınen areketlerge açıq çağıruvlarUkrayina CQniñ 110-ncı maddesiniñ 1-nci, 2-ncı qısımlarıda, duşmannen işbirlikUkrayina CQniñ 111-1-nci maddesiniñ 6-ncı qısmı faaliyetinde, milliy duşmanlıqUkrayina CQniñ 161-nci maddesiniñ 1-nci qısmını qozğatmaq maqsadınen yapılğan areketlerde, em de Rusiye Federatsiyasınıñ Ukrayinağa qarşı silâlı tecavuzıUkrayina CQniñ 436-2-nci maddesiniñ 3-nci qısmını media vastasınen aqlağanında qabaatladı.
Uquq qorçalayıcı organlarından bir menba, Suspine Qırımğa aytqanı kibi, söz Oleksandr Maşçenko aqqında kete.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
