Rusiyeniñ Murmansk vilâyetindeki №17 apishanesinde 17 yıllıq apis cezasını çekken qırımlı siyasiy mabüs Timur Yalkabovda hepatit tasdıqlandı.
Qırım birdemligine onıñ qadını Aliye Yalkabova bu aqqında bildirdi.
Onıñ aytqanına köre, aqayı oña "Zona Telekom"nıñ resmiy bağ kanalı vastasınen bağlanıp, hastalıq aqqında haber etti.
"O, maña telefon etip, hepatit diagnozı olğanını bildirdi. Ne olğanını aytmadı. Tekrar teşkerüvlerni keçirip, neticelerini beklegenini qayd etti. O maña pek yarıq köründi", — dep siyasiy mabüsniñ apayı ikâye etti.
Bundan ğayrı, Timur Yalkakovnıñ hronik astması ve üçünci gruppa saqatlığı bar. 2025 senesi çiçek ayında Murmansk vilâyetindeki koloniyasına qadar etap etildi.
Apiske alınğanına qadar Timur Yalkabov apayı ile beraber tatlılıq pişirip satqan edi.
Siyasiy mabüs Timur Yalkabov aqqında ne bilemiz
Kiçik aynıñ 17-nde saba saat dörtte Qırımda Beloğirsk (Qarasuvbazar), Bağçasaray, Simferopol (Aqmescit), Sevastopol (Aqyar) ve Qırımnıñ Sovet (İçki) rayonında kütleviy tintüvler keçirildi. Lenur Seydametov, Timur Yalkabov, Azamat Eyupov, Yaşar Şıhametov, Ernest İbragimov ve Oleğ Fedorov evlerinde keçirilgen tahqiqat tedbirlerinden soñ Qırımnıñ işğalli FSBsine ketirildi, bundan soñ apiske alındı ve mahkeme-psihiatrik ekspertizalarğa yollanıldı.22 березня 2022 року Південний окружний військовий суд оголосив обвинувальний вирок політичним ув'язненим із Криму — Тимуру Ялкабову та Ленуру Сейдаметову. Кримськотатарським активістам було призначено терміни 17 та 13 років у колонії суворого режиму.
2022 senesi saban ayınıñ 22-nde Cenübiy bölgeniñ arbiy mahkemesi Qırım siyasiy mabüsleri Timur Yalkabov ve Lenur Seydametovnıñ qabaatlav qararını ilân etti. Qırımtatar faalcileri sert rejimli müstemlede 17 ve 13 yılğa tutuldı.
2023 senesi qara qış ayınıñ 10-nda Seydametovnı Rusiye mahkemesiniñ apis cezasına itiraz arizasını baqqan soñ Novoçerkassk SİZOsından Lipetsk vilâyetiniñ Yelets şeeriniñ apishanesine etap ettiler.
Dava malümatına köre, qabaatlanğanlarnıñ elinde silâ, patlayıcı, arbiy yedekler yoq edi, olar terror eylemini yapmağa planlaştırmay ediler ve başqalarnı terror eylemlerine çağıra ediler.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
