İşğal etilgen Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) bağça şirketleriniñ topraq saipleri topraqları sanitar zonasında yerleşkenini ve anda ev qurulması yasaq olğanını ögrendiler.
ARC bu aqqında bildire.
Bular "Avtoremontnik", "Veşçevik", "Payrıl", "Zelenstroy", "Mindal", "Drujniy" ve "Okean-MGİ" cemiyetleridir.
"2025 senesinden başlap, topraq saipleri işğalci "departament" tarafından "sanitar-muhafaza zonasına" kirgenleri aqqında haberler alalar, "KP Qırımekotehservis"niñ Malçnaya Baltsâdaki obyektleri etrafında, işhaneniñ "reberligi" ise şimdi "işhaneniñ bu yerde işi yoq" dep bildire. İşğalcilerniñ yañı bir aldatması aqqında söz yürsetile — "işlemege alınmağan topraqlarnı alıp taşlav" ve "bu sebepten ödenilmegen bergilerni talap etüv", — dep haberde aytıla.
"Rossilğospnadzornıñ" "Azov-Qara deñiz regionları arasında idaresi"niñ işğalci qurulışları, keçken sene Aqyarda (Sevastopolda) "302,6 gektarlıq 36 topraq damartısına dair 38 qarar" çıqarğanlarını bildirdiler.
İşğalci "İnformer" gazetasınıñ bildirgenine köre, yerli sakinler, şeerniñ baş planı deñiştirilgen soñ, sanitariya zonası kirsetildi, dep tahmin ete.
"Mimarlıq bölügi bildirgenine köre, topraq bütünley sanitar zonasında yerleşe, mında mesken qurucılığı yasaq etile. Yerli sakinlerniñ aytqanına köre, 2025 senesiniñ ortasına qadar böyle sıñırlavlar yoq edi. Olar, sanitar zonasınıñ meydanğa ketirilmesi Baş plannıñ tasdıqlanmasınen bağlı olğanını tüşüneler", — dep işğalci neşir yaza.
Hatırlatamız, Aqyarnıñ (Sevastopolnıñ) işğalci akimiyeti Osıpenko köyü civarındaki 176 gektar tarım toprağınıñ bağcılarğa berilgen kira aqqını şikâyet etmege tırışa.
ARC qayd etkenine köre, söz Rusiye kontrolindeki şeer memuriyeti Ukrayinağa qarşı cenkte iştirak etken arbiylerge bermege planlaştırğan topraqlar aqqında kete.
Bundan ğayrı, Aqyarda (Sevastopolda) işğalciler Rusiye arbiyleri içün yañı topraq damartılarını azırlaylar. Rusiyege boysunğan şeer memuriyeti topraq planlaştıruv leyhalarını "içtimaiy munaqaşağa" berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
