Ukrayina mudafaa quvetleri vaqtınca işğal etilgen Qırımda ve Donetskte Rusiye Federatsiyasınıñ arbiy obyektlerine ücüm etti. Rusiye Federatsiyasınıñ AMS, em de uçucılarnı saqlav ve azırlav anbarı uruldı.
USQrniñ Baş ştabı bu aqqında haber etti.
Şu cümleden, vaqtınca işğal etilgen Qırımda Yevpatoriya rayonında "Nebo-U" radiolokatsiya stantsiyasına ve Hutorok rayonında "Pantsır-S1" zıddiyet raketa-topan kompleksine ücüm etildi.
Bundan da ğayrı, Donetsk vilâyetiniñ vaqtınca işğal etilgen territoriyasında, Donetsk rayonında, mudafaa quvetleri duşmannıñ UUAniñ saqlanuv ve qullanuvına azırlanuv yerlerine ücüm etti.
Baş ştabta qayd ettiler ki, duşmanğa ketirilgen zarar miqyası şimdilik belgilene.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
